វ៉ាស៊ីនតោន ៖ សហរដ្ឋអាមេរិកវាយតម្លៃថា ប្រទេសកូរ៉េខាងជើង អាចនឹងត្រៀមខ្លួន ជាស្រេចនៅដើមខែនេះ ដើម្បីធ្វើការសាកល្បង នុយក្លេអ៊ែរលើកដំបូង របស់ខ្លួនក្នុងរយៈពេលជាច្រើនឆ្នាំនៅឯកន្លែងសាកល្បង Punggye-ri របស់ខ្លួន នេះបើតាមអ្នកនាំពាក្យរងក្រសួង ការបរទេសលោកស្រី Jalina Porter។
លោកស្រីបានលើកឡើងថា “យើងបានចែករំលែកព័ត៌មាននេះ ជាមួយសម្ព័ន្ធមិត្ត និងដៃគូ ហើយយើងនឹងបន្តការ សម្របសម្រួលយ៉ាងជិតស្និទ្ធ ជាមួយពួកគេផងដែរ” ខណៈពេលដែលកត់សម្គាល់ថា ប្រធានាធិបតីលោក ចូ បៃដិន មានបំណងធ្វើបាតុកម្ម ក្នុងអំឡុងពេលដំណើរទស្សនកិច្ច របស់គាត់ទៅកាន់ប្រទេស ជប៉ុន និងកូរ៉េខាងត្បូងនៅចុងខែនោះ។ ការប្តេជ្ញាចិត្តរបស់សហរដ្ឋអាមេរិក ចំពោះសន្តិសុខរបស់ពួកគេ។
លោកស្រី Porter បានបន្ដថា ទីតាំង Punggye-ri ដែលកូរ៉េខាងជើងទទូចថា ខ្លួនបានកម្ទេចចោល ក្នុងឆ្នាំ២០១៨ ដើម្បីបង្ហាញពីការប្តេជ្ញាចិត្ត របស់ខ្លួនក្នុងការរំសាយអាវុធនុយក្លេអ៊ែរនៅពេលនោះ កំពុងត្រូវបានរៀបចំសម្រាប់ការសាកល្បង នុយក្លេអ៊ែរលើកទី៧ ដែលអាចកើតមាន ហើយការវាយតម្លៃ របស់សហរដ្ឋអាមេរិកគឺ “ស្រប” ជាមួយនឹងសេចក្តីថ្លែងការណ៍សាធារណៈ នាពេលថ្មីៗនេះរបស់ ទីក្រុងព្យុងយ៉ាង។
ប្រទេសកូរ៉េខាងជើង បានបង្ហើបកាលពីខែមករាឆ្នាំនេះថា ខ្លួនអាចបន្តការសាកល្បង នុយក្លេអ៊ែរ និងមីស៊ីលផ្លោងអន្តរទ្វីប ដែលទាំងពីរនេះមិនត្រូវ បានធ្វើឡើងចាប់តាំងពីឆ្នាំ២០១៧ បន្ទាប់មកប្រទេសនេះ បានបាញ់បង្ហោះ ICBM នៅក្នុងខែមីនា។
មេដឹកនាំកូរ៉េខាងជើង លោក គីម ជុងអ៊ុន នាពេលថ្មីៗនេះ ក៏ បានលើកឡើងផងដែរថា ប្រទេសរបស់លោកនឹង ជំរុញការអភិវឌ្ឍន៍អាវុធនុយក្លេអ៊ែរ របស់ខ្លួនក្នុងល្បឿនកាន់តែលឿន ហើយប្រើប្រាស់វាជា មុនប្រសិនបើចាំបាច់ នេះបើយោងតាមប្រព័ន្ធផ្សព្វផ្សាយរដ្ឋ៕
ប្រែសម្រួល ឈូក បូរ៉ា
