KYIV/SLATYNE ៖ ទូរទស្សន៍សិង្ហបុរី Channel News Asia បានផ្សព្វផ្សាយនៅថ្ងៃទី២០ ខែឧសភា ឆ្នាំ ២០២២ថា
ក្រុម G7 បានព្រមព្រៀងគ្នាកាលពីថ្ងៃព្រហស្បតិ៍ ផ្តល់ឱ្យអ៊ុយក្រែននូវទឹកប្រាក់ចំនួន១៨,៤ពាន់លានដុល្លារ ដែលជាមូលនិធិដែលនាយករដ្ឋមន្ត្រីអ៊ុយក្រែនលោក Denys Shmyhal បានលើឡើងថា នឹងបង្កើនល្បឿន នៃជ័យជម្នះរបស់ទីក្រុង (Kyiv) លើប្រទេសរុស្ស៊ី ហើយដែលមានសារៈសំខាន់ដូចគ្នា ដូចជា “អាវុធដែលអ្នកផ្តល់ឱ្យ” ។
រដ្ឋមន្ត្រីក្រសួងរតនាគារអាមេរិក Janet Yellen បានប្រាប់អ្នកយកព័ត៌មាននៅឯកិច្ចប្រជុំមេដឹកនាំហិរញ្ញវត្ថុ G7 នៅប្រទេសអាល្លឺម៉ង់ថា “សារគឺ “យើងឈរនៅពីក្រោយអ៊ុយក្រែន។ យើងនឹងរួមគ្នា ជាមួយនឹងធនធានដែល ពួកគេត្រូវការដើម្បីឆ្លងកាត់រឿងនេះ” ។
កាលពីព្រឹកថ្ងៃព្រហស្បតិ៍លោក Shmyhal បានសរសេរនៅលើ Twitter ថា “ការគាំទ្ររបស់ដៃគូ នឹងបង្កើនល្បឿននៃជ័យជម្នះរបស់យើង … ទោះបីជាមានការខិតខំប្រឹងប្រែងរបស់រុស្ស៊ី ក្នុងការបំផ្លាញសេដ្ឋកិច្ចរបស់យើងក៏ដោយ យើងទាំងអស់គ្នានឹងឈ្នះ!” ។
ការសន្យាបន្ថែមទៀត នូវសព្វាវុធក៏បានកើតឡើងនៅថ្ងៃព្រហស្បតិ៍ផងដែរ ខណៈដែលរដ្ឋមន្ត្រីការបរទេស អាមេរិកលោក Antony Blinken បាននិយាយកាលពីថ្ងៃព្រហស្បតិ៍ថា គាត់បានផ្តល់សិទ្ធិចំនួន១០០លាន ដុល្លារអាមេរិក សម្រាប់អាវុធ បរិក្ខារ និងការផ្គត់ផ្គង់បន្ថែមរបស់សហរដ្ឋអាមេរិកសម្រាប់អ៊ុយក្រែន ៕
ប្រែសម្រួលដោយ៖ ម៉ៅ បុប្ផាមករា
