តូក្យូ ៖ រដ្ឋបាល របស់លោកប្រធានាធិបតី ចូ បៃដិន បានប្រកាសថា ប្រទេសឥណ្ឌូប៉ាស៊ីហ្វិក ចំនួនរាប់សិប នឹងចូលរួមជាមួយ សហរដ្ឋអាមេរិក នៅក្នុងសម្ព័ន្ធភាពសេដ្ឋកិច្ច ដ៏ធំទូលាយមួយ ដែលត្រូវបានបង្កើតឡើង ដើម្បីទប់ទល់ នឹងឥទ្ធិពលរបស់ចិន នៅក្នុងតំបន់ ទោះបីជាមានសំណួរ អំពីប្រសិទ្ធភាព របស់វាក៏ដោយ។
សេតវិមានបានឲ្យដឹងថា ប្រទេសដែល ចូលរួម នៅក្នុងក្របខ័ណ្ឌសេដ្ឋកិច្ចឥណ្ឌូប៉ាស៊ីហ្វិក (IPEF) បង្កើតបានប្រហែល ៤០ភាគរយ នៃផលិតផលក្នុងស្រុក សរុបសកល លោក ដែលបានលើកឡើង ពីការបើកដំណើរ ការរបស់ខ្លួនថា ជាសមិទ្ធិផល នៃដំណើរកម្សាន្តលើកដំបូង របស់លោក បៃដិន ទៅកាន់តំបន់ អាស៊ី ។ អូស្ត្រាលី ឥណ្ឌា ជប៉ុន កូរ៉េខាងត្បូង និងនូវែលសេឡង់ ត្រូវបានរួមបញ្ចូល រួមជាមួយ នឹងប្រទេសអាស៊ីអាគ្នេយ៍ ចំនួនប្រាំពីរ។
លោក Modi ភាគីប្រទេសឥណ្ឌា ចូលរួមការ ចាប់ផ្តើម កិច្ចសន្យាពាណិជ្ជកម្មថ្មី មុនពេលកិច្ច ប្រជុំកំពូល Quad នៅទីក្រុងតូក្យូ នេះបើយោងតាមការចុះផ្សាយ របស់ទីភ្នាក់ងារ សារព័ត៌មាន The National ។
លោក បៃដិន បានឲ្យដឹង កាលពីថ្ងៃចន្ទ នៅឯព្រឹត្តិការណ៍មួយ នៅទីក្រុងតូក្យូ ដែលចាប់ផ្តើមភាពជាដៃគូថា “សហរដ្ឋអាមេរិក ត្រូវបានវិនិយោគយ៉ាងជ្រាលជ្រៅ នៅក្នុងឥណ្ឌូប៉ាស៊ីហ្វិក យើងប្តេជ្ញា សម្រាប់រយៈពេលយូរ” ។
គណបក្សប្រជាធិបតេយ្យ និង គណបក្សសាធារណរដ្ឋ នៅក្នុងសភាបានចោទសួរ ពីការផ្លាស់ប្តូរនេះ ដោយសារតែវាមិនរួមបញ្ចូលគោលដៅ នៃការចរចាកាត់បន្ថយពន្ធទៅវិញ ទៅមក ដើម្បីធ្វើឱ្យការនាំចេញ របស់សហរដ្ឋអាមេរិក មានតម្លៃថោក សម្រាប់អ្នកប្រើប្រាស់ នៅក្នុងទីផ្សារបរទេស ដែលជាគោលបំណងធម្មតា នៃការចរចាពាណិជ្ជកម្មកន្លងមក ។
នៅក្រោមក្របខណ្ឌ អ្នកចូលរួមនឹងត្រូវបានស្នើសុំឱ្យធ្វើ “ការប្តេជ្ញាចិត្តស្តង់ដារខ្ពស់” យ៉ាងហោចណាស់ផ្នែកមួយក្នុងចំណោមវិស័យទាំងបួន រួមមាន៖ ពាណិជ្ជកម្ម សង្វាក់ផ្គត់ផ្គង់ ថាមពលស្អាត និងយុត្តិធម៌។
ទីប្រឹក្សាសន្តិសុខជាតិអាមេរិកលោក Jake Sullivan កាលពីថ្ងៃអាទិត្យបានលើកឡើងថា ប្រទេសស្ថាបនិកទាំង១៣ នឹងបង្កើតលក្ខណៈវិនិច្ឆ័យ សម្រាប់សមាជិកផ្សេងទៀត ដើម្បីចូលរួម រួមទាំងប្រទេសចិន ដែលមានសក្តានុពលផងដែរ។
លោក បៃដិន បានលើកឡើងថា “ខ្ញុំចង់ច្បាស់ថាក្របខ័ណ្ឌនេះនឹងបើកចំហ សម្រាប់អ្នកផ្សេងទៀតដែលមានបំណងចង់ចូលរួមនាពេលអនាគត ប្រសិនបើពួកគេចុះឈ្មោះ និងបំពេញតាមគោលដៅ និងធ្វើការដើម្បីសម្រេចបាននូវគោលដៅទាំងនោះ” ។
មន្ត្រីរដ្ឋបាលជាន់ខ្ពស់ម្នាក់ បានឲ្យដឹងថា សហរដ្ឋអាមេរិក មិនបានអញ្ជើញ ប្រទេសចិន ឱ្យចូលរួមក្នុងក្របខ័ណ្ឌនេះទេ មួយផ្នែកដោយសារតែវានឹងផ្អែក លើសំណុំនៃស្តង់ដារ ដែលសេតវិមានជឿថា ទីក្រុងប៉េកាំងនឹងមានកិច្ចប្រជុំ ដ៏លំបាកមួយ។
មន្ត្រីរូបនេះបានបន្ដថា សហរដ្ឋអាមេរិក បានជ្រើសរើសក្រុមដំបូង ចេញពីការចង់ឈានទៅដល់ហួស ពីប្រទេស ដែលមានទំនាក់ទំនង សេដ្ឋកិច្ចយ៉ាងស៊ីជម្រៅ ជាមួយអាមេរិក ខណៈដែលធានាផងដែរ ថាពួកគេអាចយល់ព្រម ចំពោះសសរស្តម្ភយ៉ាង ហោចណាស់មួយ៕
ប្រែសម្រួល ឈូក បូរ៉ា
