រ៉ាម៉ាឡា៖ នាយករដ្ឋមន្ត្រីប៉ាឡេស្ទីន លោក Mohammed Ishtaye បានអំពាវនាវឱ្យសហគមន៍អន្តរជាតិ ផ្លាស់ប្តូរពីការថ្កោលទោស ទៅជាការដាក់ទណ្ឌកម្មលើអ៊ីស្រាអែល ក្រោមការឈ្លានពាន “ប្រចាំថ្ងៃ” ប្រឆាំងនឹងប៉ាឡេស្ទីន។
លោក Ishtaye បានធ្វើការកត់សម្គាល់ នៅពេលថ្លែងសុន្ទរកថា នៅការប្រារព្ធពិធីអ៊ឺរ៉ុប ដែលធ្វើឡើងនៅទីក្រុងរ៉ាម៉ាឡា ភាគខាងលិច ដែលមានការចូលរួមពីតំណាង នៃប្រទេសដាណឺម៉ាក ស៊ុយអែត ហ្វាំងឡង់ និងន័រវែស។
លោកបានលើកឡើងថា ការឈ្លានពានប្រចាំថ្ងៃរបស់អ៊ីស្រាអែល “រួមទាំងការផ្លាស់ទីលំនៅ និងការសម្លាប់ជនជាតិប៉ាឡេស្ទីន នៅតំបន់វេសបែង និងយេរ៉ូសាឡឹមខាងកើត បង្កើតបានជាគ្រោះមហន្តរាយពិតប្រាកដ” ។
លោក Ishtaye បានចោទប្រកាន់អ៊ីស្រាអែលថា “ធ្វើសកម្មភាពជាប្រព័ន្ធដើម្បីបំផ្លាញ ឱកាសណាមួយដើម្បីបង្កើត រដ្ឋឯករាជ្យប៉ាឡេស្ទីនតាមរយៈ ការរឹបអូសយកដី ដើម្បីគាំទ្រដល់ការពង្រីកការតាំងទីលំនៅ” ។
កិច្ចចរចាសន្តិភាពរវាងអ៊ីស្រាអែល និងប៉ាឡេស្ទីនបានបញ្ឈប់តាំងពីខែមីនា ឆ្នាំ២០១៤។ ប៉ាឡេស្ទីនចង់បង្កើតរដ្ឋប៉ាឡេស្ទីន ឯករាជ្យមួយដែលមានក្រុងយេរ៉ូសាឡឹមខាងកើត ជារដ្ឋធានីរបស់ខ្លួន ៕
ប្រែសម្រួល ឈូក បូរ៉ា
