បរទេស៖ ក្រសួងការពារជាតិ របស់ប្រទេសន័រវេស បានប្រកាសកាលពីថ្ងៃពុធថា ប្រទេសអ៊ុយក្រែន នឹងទទួលបានកាំភ្លើងធំប្រភេទ M109 ចំនួន២២គ្រឿងពីប្រទេសន័រវេស។ សេចក្តីថ្លែងការណ៍បាននិយាយថា សព្វាវុធត្រូវបានបរិច្ចាគទាំងស្រុង ជាមួយនឹងឧបករណ៍ គ្រឿងបន្លាស់ និងគ្រាប់រំសេវ។
យោងតាមសារព័ត៌មាន RT ចេញផ្សាយនៅថ្ងៃទី៨ ខែមិថុនា ឆ្នាំ២០២២ បានឱ្យដឹងថា កាំភ្លើងធំ M109 គឺជាកាំភ្លើង ទំហំ 155mm ដែលត្រូវបានដាក់ឱ្យប្រើប្រាស់ដំបូងក្នុងទសវត្សរ៍ឆ្នាំ១៩៦០ ហើយមានប្រសិទ្ធភាព បាញ់បានចម្ងាយចន្លោះពី 20-40km អាស្រ័យលើសំបកដែលបានប្រើ។ កាំភ្លើងធំនីមួយៗត្រូវការនាវិកបួននាក់ដើម្បីប្រតិបត្តិការ។
ប្រទេសន័រវេសបាននិយាយទៀតថា ខ្លួនបានបណ្តុះបណ្តាល ទាហានអ៊ុយក្រែនរួចហើយ អំពីរបៀបប្រើប្រាស់អាវុធនៅឯកន្លែងមួយក្នុងប្រទេសអាល្លឺម៉ង់៕
ប្រែសម្រួលៈ ណៃ តុលា
