បឺលីន ៖ អតីត អធិការបតី អាល្លឺម៉ង់ Angela Merkel គឺជា អ្នកនយោបាយ អឺរ៉ុប ដ៏ មាន ផលវិបាក បំផុត ម្នាក់ ក្នុង សតវត្សរ៍ ទី២១ ។ លោកស្រីបានដឹកនាំប្រទេស អាល្លឺម៉ង់ និងមួយផ្នែកធំ សហភាពអឺរ៉ុប តាមរយៈភាពចលាចល នៃវិបត្តិហិរញ្ញវត្ថុឆ្នាំ២០០៨ វិបត្តិជនភៀសខ្លួន ឆ្នាំ២០១៥ និង Brexit ។
ការវិវត្តន៍ នៃអាជីពរបស់លោកស្រី ក៏ជានិមិត្តរូបនៃដំណើរឆ្ពោះទៅមុខ នៃវឌ្ឍនភាពធំជាងខ្លួន លោកស្រីទៅទៀត ។ លោកស្រីជា អធិការបតី ស្ត្រី ដំបូង គេ របស់ ប្រទេសអាល្លឺម៉ង់ និង កាន់តំណែងយូរបំផុតទីពីរ របស់ខ្លួន ។
អាជីពនយោបាយរបស់លោកស្រី បានចាប់ផ្តើមនៅឆ្នាំ១៩៩០ គ្រាន់តែមួយឆ្នាំបន្ទាប់ពីជញ្ជាំង ដែលបែងចែកអាល្លឺម៉ង់ ខាងកើត និងខាងលិចបានធ្លាក់ចុះ។
លោកស្រីបានធំធាត់ នៅតំបន់ភាគខាងកើតប្រទេស ដែលមិនសូវធូរធារ និងមានការគាបសង្កត់ខ្លាំងជាង ដែលធ្វើឱ្យលោកស្រី ជាអធិការបតីជាអ្នកតំណាង ដូចដែលខ្លួនទទួលបានជោគជ័យ ។
ប៉ុន្តែជាមួយនឹងសង្រ្គាមនៅអ៊ុយក្រែន ដែលបានចាប់ផ្តើមត្រឹមតែពីរ ខែបន្ទាប់ពីលោកស្រី ចេញពីតំណែង កេត្ដិ៍ដំណែលនោះបានមកក្រោមការ រិះគន់យ៉ាងខ្លាំងពីសំណាក់ប្រជាជនលោកខាងលិច ដែលជឿថាវាជារឿង ឆោតល្ងង់ និងជាមហន្តរាយជាយុទ្ធសាស្ត្រ។
ការភ័យខ្លាចនៃការផ្គត់ផ្គង់ ដែលបង្កឡើងដោយការពឹងផ្អែក របស់ទ្វីបជាច្រើនលើឧស្ម័នរុស្ស៊ី បានបណ្តាលឱ្យមានការរិះគន់ ចំពោះវិធីសាស្រ្តរបស់ លោកស្រីកាន់តែខ្លាំងឡើង ។
វាកាន់តែអាក្រក់ទៅៗ ដោយសារភាពស្ងៀមស្ងាត់ របស់លោកស្រី ចំពោះបញ្ហានេះ ។ វាបានផ្លាស់ប្តូរកាលពីថ្ងៃអង្គារ នៅពេលដែលលោកស្រី ធ្វើបទសម្ភាសន៍លើកដំបូង របស់លោកស្រីចាប់តាំងពីការ ចាប់ផ្តើមនៃសង្រ្គាម។
ការឆ្លើយតបរបស់លោកស្រី គឺរឹងមាំ ។ លោកស្រីបានហៅការឈ្លានពានរបស់រុស្ស៊ីថា “មិនត្រឹមតែមិនអាចទទួល យកបានប៉ុណ្ណោះទេ ប៉ុន្តែក៏ជាកំហុសដ៏ធំមួយផងដែរ” នេះបើយោងតាមការចុះផ្សាយ របស់ទីភ្នាក់ងារសារព័ត៌មាន The National ។
លោកស្រីក៏បានបញ្ជាក់ យ៉ាងច្បាស់ថា លោកស្រីនឹង មិនផ្តល់ការសុំទោស ចំពោះវិធីសាស្រ្តមុនសង្គ្រាម របស់លោកស្រី ចំពោះប្រទេសរុស្ស៊ីឡើយ ដោយលើកឡើងថា៖ “វាជាការអាម៉ាស់ណាស់ ដែលវាមិន បានទទួលជោគជ័យ ប៉ុន្តែខ្ញុំមិនបន្ទោសខ្លួនឯង ចំពោះការព្យាយាម ហើយខ្ញុំមិនឃើញថាខ្ញុំ ឥឡូវគួរនិយាយថា វាខុសហើយ ខ្ញុំមិនសុំទោសទេ”៕
ប្រែសម្រួល ឈូក បូរ៉ា
