ម៉ូស្គូ៖ យោងតាមសេចក្តីថ្លែងការណ៍ ផ្លូវការមួយបានឱ្យដឹងថា យោធារុស្ស៊ីបានបញ្ចប់សមយុទ្ធទ្រង់ទ្រាយធំ នៅមហាសមុទ្រប៉ាស៊ីហ្វិក កាលពីថ្ងៃសុក្រ នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។
ក្រសួងការពារជាតិរុស្ស៊ី បានឲ្យដឹងនៅក្នុងសេចក្តីថ្លែងការណ៍មួយថា ក្នុងអំឡុងពេលសមយុទ្ធ រយៈពេលមួយសប្តាហ៍នេះ សមយុទ្ធប្រយុទ្ធជាង ៣០០ ត្រូវបានធ្វើឡើង ដែលក្នុងនោះ ១៧០ ពាក់ព័ន្ធនឹងការប្រើប្រាស់អាវុធជាក់ស្តែង។
ក្រុមនាវិកបានអនុវត្តការ ស្វែងរកនាវាមុជទឹក បាញ់កាំភ្លើងធំ និងវាយប្រហារគោលដៅ ជាមួយនឹងអាវុធដែលមានមូលដ្ឋាន លើសមុទ្រដែលមានភាពជាក់លាក់ខ្ពស់។
គួរបញ្ជាក់ថា នាវាចម្បាំង និងនាវាជំនួយជាង ៤០គ្រឿង ព្រមទាំងយន្តហោះប្រហែល ២០គ្រឿង នៃកងនាវាចរប៉ាស៊ីហ្វិករុស្ស៊ី បានចូលរួមក្នុងសមយុទ្ធនេះ ៕
ប្រែសម្រួល ឈូក បូរ៉ា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
