បរទេស ៖ វិទ្យាស្ថានស្រាវជ្រាវ សន្តិភាព អន្តរជាតិ Stockholm (SIPRI) ដែលជាអ្នកឃ្លាំមើលអាវុធ ឈានមុខគេបានព្រមានថា ហានិភ័យនៃអាវុធ នុយក្លេអ៊ែរ ដែលត្រូវបានប្រើប្រាស់ គឺខ្ពស់ជាងពេលណាទាំងអស់ ចាប់តាំងពីសង្រ្គាម ត្រជាក់កើនឡើង ។ យោងតាម SIPRI Yearbook 2022 បានឱ្យដឹងថា ស្តុកអាវុធនុយក្លេអ៊ែរ ពិភពលោកកំពុងធ្លាក់ចុះ ឥឡូវនេះត្រូវបានគេរំពឹងថា នឹងចាប់ផ្តើមកើនឡើង ជាថ្មីម្តងទៀត។
យោងតាមសារព័ត៌មាន RT ចេញផ្សាយនៅថ្ងៃទី១៣ ខែមិថុនា ឆ្នាំ២០២២ បានឱ្យដឹងថា ខណៈដែលកាត់បន្ថយការស្តុកទុក របស់ពួកគេយ៉ាងខ្លាំង បន្ទាប់ពីបញ្ចប់សង្គ្រាម ត្រជាក់មកនោះ គឺ សហរដ្ឋអាមេរិក និង រុស្ស៊ីរួមបញ្ចូលគ្នា នៅតែមានជាង 90% នៃក្បាលគ្រាប់នុយក្លេអ៊ែរ របស់ពិភពលោក នេះបើយោងតាមរបាយការណ៍ ។ យោងតាមការប៉ាន់ប្រមាណ របស់ SIPRI រុស្ស៊ីមានក្បាល គ្រាប់ប្រហែល ៥ ៩៧៧ គ្រាប់ ហើយអាមេរិកមានប្រហែល ៥ ៤២៨ គ្រាប់ ។
សៀវភៅប្រចាំឆ្នាំអានថា “សរុបមក ចំនួនក្បាលគ្រាប់នុយក្លេអ៊ែរ នៅលើពិភពលោកនៅតែបន្តធ្លាក់ចុះ ប៉ុន្តែនេះជាបញ្ហាចម្បង ដោយសារតែរុស្ស៊ី និងសហរដ្ឋអាមេរិក បានរុះរើក្បាលគ្រាប់ដែលចាស់ៗ” ។ “ការកាត់បន្ថយ ជាសាកល នៃក្បាលគ្រាប់ ប្រតិបត្តិការហាក់ ដូចជាបានជាប់គាំង ហើយចំនួនរបស់ក្បាលគ្រាប់ នុយក្លេអ៊ែរ អាចនឹងកើនឡើងម្តងទៀត ។ ទន្ទឹមនឹងនេះ ទាំងរុស្ស៊ី និង សហរដ្ឋអាមេរិក មានកម្មវិធីទូលំទូលាយ និងមានតម្លៃថ្លៃដែលកំពុងដំណើរការ ដើម្បីជំនួស និងធ្វើទំនើបកម្មក្បាល គ្រាប់នុយក្លេអ៊ែរ មីស៊ីល និង ប្រព័ន្ធបញ្ជូនយន្តហោះ និងកន្លែងផលិត អាវុធនុយក្លេអ៊ែរ ៕
ប្រែសម្រួលៈ ណៃ តុលា
