បេសកជនចិន អំពាវនាវឲ្យក្រុមប្រឹក្សាសន្តិសុខ អង្គការសហប្រជាជាតិ កែសម្រួលទណ្ឌកម្ម ប្រឆាំងនឹងស៊ូដង់

ប៉េកាំង៖ បេសកជនចិនកាលពីថ្ងៃអង្គារ៍ បានអំពាវនាវឱ្យក្រុមប្រឹក្សាសន្តិសុខ អង្គការាហប្រជាជាតិ កែសម្រួលទណ្ឌកម្មប្រឆាំងនឹងស៊ូដង់ ក្នុងលក្ខណៈទាន់ពេលវេលា នេះបើយោងតាមការចុះផ្សាយរបស់ ទីភ្នាក់ងារសារព័ត៌មានចិនស៊ិនហួ។

តំបន់ Darfur នៃប្រទេសស៊ូដង់ ស្ថិតក្នុងដំណាក់កាលសំខាន់នៃ ការផ្លាស់ប្តូរពីការរក្សាសន្តិភាព ទៅជាការកសាងសន្តិភាព។ ទីប្រឹក្សា លោក Xing Jisheng នៃបេសកកម្មអចិន្ត្រៃយ៍របស់ចិន ប្រចាំអង្គការសហប្រជាជាតិ បានលើកឡើងថា ស្ថានភាពសន្តិសុខនៅក្នុង តំបន់មានស្ថិរភាពច្រើន ប៉ុន្តែនៅតែមានភាពផុយស្រួយ ជាមួយនឹងឧប្បត្តិហេតុហិង្សា រួមទាំងការប៉ះទង្គិចគ្នារវាងគ្នានឹងគ្នា ដែលកើតឡើងពីពេលមួយទៅមួយពេល។

បន្ទាប់ពីការដកខ្លួនចេញពី បេសកកម្មរក្សាសន្តិភាពរបស់ អង្គការសហប្រជាជាតិ-សហភាពអាហ្រ្វិកនៅទីក្រុង Darfur រដ្ឋាភិបាលស៊ូដង់ ទទួលបន្ទុកចម្បង សម្រាប់ការការពារជនស៊ីវិល។ លោកបានប្រាប់ក្រុមប្រឹក្សាសន្តិសុខថា ក្រុមប្រឹក្សាសន្តិសុខគួរតែធ្វើការ កែតម្រូវទាន់ពេលវេលា ចំពោះការដាក់ទណ្ឌកម្មលើប្រទេសស៊ូដង់ ដោយសារស្ថានភាពវិវត្តន៍ និងបង្កើតលក្ខខណ្ឌល្អសម្រាប់រដ្ឋាភិបាលស៊ូដង់ ក្នុងការពង្រឹងសមត្ថភាពរបស់ខ្លួន ដើម្បីការពារជនស៊ីវិល។

លោកបន្ថែមថា “ដំណោះស្រាយក្រុមប្រឹក្សាសន្តិសុខ ២៦២០ អំពាវនាវឱ្យបង្កើតគោលការណ៏ច្បាស់លាស់ ច្បាស់លាស់ និងជាក់ស្តែងសម្រាប់ការកែសម្រួល ទណ្ឌកម្មស៊ូដង់ត្រឹមថ្ងៃទី៣១ ខែសីហា។ ប្រទេសចិនសង្ឃឹមថា តម្រូវការនេះអាចត្រូវបានអនុវត្ត ក្នុងលក្ខណៈទាន់ពេលវេលា” ៕

ប្រែសម្រួល ឈូក បូរ៉ា