រុស្ស៊ី បញ្ជូនអ្នកការទូតទៅកាន់អ៊ីរ៉ង់ ដើម្បីពិភាក្សាពីបញ្ហាកិច្ចចរចានុយក្លេអ៊ែរ និងទំនាក់ទំនងទ្វេភាគី

ម៉ូស្គូ៖ ទូរទស្សន៍រដ្ឋ IRIB TV បានរាយការណ៍ថា រដ្ឋមន្ត្រីការបរទេសរុស្ស៊ី លោក Sergei Lavrov បានទៅ ដល់ទីក្រុងតេអេរ៉ង់ ហើយកាលពីថ្ងៃពុធ ដើម្បីពិភាក្សាជាមួយភាគីអ៊ីរ៉ង់ កិច្ចសហប្រតិបត្តិការទ្វេភាគី និងវិធីដោះស្រាយការជាប់គាំងលើកិច្ចចរចានុយក្លេអ៊ែរអ៊ីរ៉ង់។

IRIB បានរាយការណ៍ថាលោក Lavrov ដែលកំពុងធ្វើដំណើររយៈពេលពីរថ្ងៃរបស់លោក ទៅកាន់ប្រទេសអ៊ីរ៉ង់ តាមការអញ្ជើញរបស់រដ្ឋមន្ត្រីការបរទេសអ៊ីរ៉ង់លោក Hossein Amir-Abdollahian បានជួបជាមួយ ប្រធានាធិបតីអ៊ីរ៉ង់លោក Ebrahim Raisi ភ្លាមៗបន្ទាប់ពីការទៅដល់របស់លោក។

ដោយមិនបានបង្ហាញពីព័ត៌មានលម្អិតនៃជំនួបរវាងលោក Raisi និងអ្នកការទូតរុស្ស៊ី ទូរទស្សន៍រដ្ឋបានឲ្យដឹងថា លោក Lavrov ត្រូវបានគេរំពឹងថា នឹងជួបជាមួយមន្ត្រីជាន់ខ្ពស់អ៊ីរ៉ង់ ដើម្បីពិភាក្សាអំពីការចរចា ដែលមានគោលបំណងស្តារកិច្ចព្រមព្រៀងនុយក្លេអ៊ែរឆ្នាំ២០១៥ រវាងអ៊ីរ៉ង់ និងមហាអំណាចពិភពលោក។

ភាគីទាំងពីរក៏នឹងពិភាក្សាអំពីស្ថានភាពនៅអ៊ុយក្រែន ស៊ីរី និងអាហ្វហ្គានីស្ថាន ក៏ដូចជាវិធីជំរុញទំនាក់ទំនង ទ្វេភាគីលើវិស័យពាណិជ្ជកម្ម និងថាមពល នេះបើយោងតាមការចុះផ្សាយរបស់ ទីភ្នាក់ងារសារព័ត៌មាន ចិនស៊ិនហួ។

ទាំងអ៊ីរ៉ង់ និងរុស្ស៊ី គឺជាកម្មវត្ថុតឹងរ៉ឹងរបស់សហរដ្ឋអាមេរិក។ ទណ្ឌកម្ម ដែលបានដាក់កម្រិតសមត្ថភាព ដឹកជញ្ជូនថាមពលរបស់ពួកគេទៅកាន់ទីផ្សារអន្តរជាតិ។

ប្រទេសអ៊ីរ៉ង់ បានចុះហត្ថលេខាលើកិច្ចព្រមព្រៀងនុយក្លេអ៊ែរដែល ត្រូវបានគេស្គាល់ជាផ្លូវការថា ជាផែនការសកម្មភាពទូលំទូលាយរួម (JCPOA) ដោយមហាអំណាចពិភពលោកកាលពីខែកក្កដាឆ្នាំ២០១៥ បានយល់ព្រមដាក់ការទប់ស្កាត់ មួយចំនួនលើកម្មវិធីនុយក្លេអ៊ែរ របស់ខ្លួនជាថ្នូរនឹងការដកទណ្ឌកម្មលើ ទីក្រុងតេអេរ៉ង់៕

ប្រែសម្រួល ឈូក បូរ៉ា