បឺលីន៖ អធិការបតីអាល្លឺម៉ង់លោក Olaf Scholz កាលពីថ្ងៃពុធបានធានាដល់ដៃគូភាគ ខាងកើត នៃអង្គការ សន្ធិសញ្ញាអាត្លង់ទិកខាងជើង (NATO) នៃសាមគ្គីភាពរបស់ប្រទេសអាល្លឺម៉ង់ នៅមុនពេល កិច្ចប្រជុំកំពូល។
លោក Scholz បានឲ្យដឹងក្នុងអំឡុងពេលការប្រកាសរដ្ឋាភិបាល របស់លោកនៅសភាជាន់ទាប Bundestag ថា ដៃគូណាតូនៅអឺរ៉ុប ខាងកើត “អាចពឹងផ្អែកលើអាល្លឺម៉ង់បាន” នេះបើយោងតាមការចុះផ្សាយរបស់ ទីភ្នាក់ងារសារព័ត៌មានចិនស៊ិនហួ។
មេដឹកនាំណាតូនឹងជួបប្រជុំគ្នានៅទីក្រុងម៉ាឌ្រីដ ប្រទេសអេស្ប៉ាញនៅសប្តាហ៍ក្រោយ។ លោក Scholz បានលើកឡើងថា កិច្ចប្រជុំនាពេលខាងមុខនឹងបញ្ជូន “សញ្ញានៃភាពស្អិតរមួត និងការប្តេជ្ញាចិត្ត” ។
ប្រធានបទសំខាន់នៃកិច្ចប្រជុំកំពូល គឺការដាក់ពាក្យសុំចូលជាសមាជិករបស់ប្រទេសហ្វាំងឡង់ និងស៊ុយអែត ដែលរហូតមកដល់ពេលនេះត្រូវបានរារាំងដោយតួកគី។
ការវិវឌ្ឍន៍ថ្មីៗនៅក្នុងជម្លោះរុស្ស៊ី-អ៊ុយក្រែន ក៏នឹងត្រូវបានពិភាក្សាផងដែរ នៅក្នុងកិច្ចប្រជុំកំពូល របស់សហភាព អឺរ៉ុបដែលចាប់ផ្តើមនៅទីក្រុងព្រុចសែលនៅថ្ងៃព្រហស្បតិ៍។ បណ្តាប្រទេសអឺរ៉ុប ស្វែងរកការដោះស្រាយ បញ្ហានានា រួមទាំងវិបត្តិសន្តិសុខស្បៀងពិភពលោក៕
ប្រែសម្រួល ឈូក បូរ៉ា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
