បរទេស៖ សហរដ្ឋអាមេរិក ជប៉ុន អូស្ត្រាលី នូវែលហ្សេឡង់ និងចក្រភពអង់គ្លេស បានបង្កើតក្រុមថ្មីមួយ ដើម្បីជំរុញទំនាក់ទំនងសេដ្ឋកិច្ច និងសន្តិសុខ ជាមួយបណ្តាប្រទេសនៅកោះប៉ាស៊ីហ្វិក។
យោងតាមសារព័ត៌មាន RT ចេញផ្សាយនៅថ្ងៃទី២៥ ខែមិថុនា ឆ្នាំ២០២២ បានឱ្យដឹងថា នៅក្នុងសេចក្តីថ្លែងការណ៍រួមមួយកាលពីថ្ងៃសុក្រ សមាជិកបាននិយាយថា សម្ព័ន្ធភាពក្រៅផ្លូវការដែលមានឈ្មោះថា Partners in the Blue Pacific (PBP) មានគោលបំណងបង្កើនប្រសិទ្ធភាពនៃកិច្ចខិតខំប្រឹងប្រែងដែលកំពុងបន្តរបស់ពួកគេ “ដើម្បីគាំទ្រភាពរុងរឿង ភាពធន់ និងសន្តិសុខ” នៅក្នុងតំបន់។
សេចក្តីថ្លែងការណ៍បានអានថា ក្រុមនេះនឹងប្រតិបត្តិការ “យោងទៅតាមគោលការណ៍ នៃតំបន់ប៉ាស៊ីហ្វិក អធិបតេយ្យភាព តម្លាភាព គណនេយ្យភាព ហើយភាគច្រើននឹងត្រូវបានណែនាំ និងដឹកនាំដោយកោះប៉ាស៊ីហ្វិក”។
គោលដៅស្នូលរបស់ PBP ក៏រួមបញ្ចូលផងដែរ នូវការពង្រីកឱកាសសម្រាប់កិច្ចសហប្រតិបត្តិការ រវាងបណ្តាប្រទេសកោះប៉ាស៊ីហ្វិក និងប្រទេសដទៃទៀត នៃពិភពលោក៕ ប្រែសម្រួលៈ ណៃ តុលា
