អង់ការ៉ា៖ ប្រធានាធិបតីតួកគីលោក Recep Tayyip Erdogan បានឲ្យដឹងថា ការព្រួយបារម្ភរបស់ប្រទេសតួកគី លើការចូលជាសមាជិករបស់ហ្វាំងឡង់ និងស៊ុយអែត ក្នុងអង្គការ NATO មិនត្រូវបានឆ្លើយតប ជាមួយនឹងជំហានសំខាន់ៗ ណាមួយឡើយ។
លោក Erdogan បានប្រាប់អគ្គលេខាធិការអង្គការណាតូ លោក Jens Stoltenberg នៅក្នុងការហៅទូរស័ព្ទថា ប្រទេសហ្វាំងឡង់ និងស៊ុយអែត ត្រូវតែចាត់វិធានការដោយស្មោះ និងជាក់ស្តែង ជុំវិញការកាន់កាប់ របស់គណបក្សពលករឃឺដ (PKK) និងអង្គភាពការពារប្រជាជនឃឺដ (YPG) របស់ប្រទេសស៊ីរី នៅក្នុងព្រំដែនរបស់ពួកគេ។
មេដឹកនាំតួកគីបានចង្អុលបង្ហាញថា ទណ្ឌកម្មផ្នែកយោធា និងឧស្សាហកម្មលើតួកគីគួរតែត្រូវបានដកចេញ ហើយមិនត្រូវដាក់ឱ្យចូលជាធរមានវិញទេបន្ទាប់ពីការ ចូលជាសមាជិករបស់ប្រទេសទាំងពីរនេះ។
នៅក្នុងការអំពាវនាវ ដាច់ដោយឡែកមួយ លោក Erdogan បានប្រាប់នាយករដ្ឋមន្ត្រីស៊ុយអែតលោកស្រី Magdalena Andersson ថាមិនមានការផ្លាស់ប្តូរអាកប្បកិរិយា របស់ស៊ុយអែតទាក់ទងនឹង PKK និង YPG ហើយប្រទេស Nordic មិនទាន់ចាត់វិធានការរឹងមាំក្នុងគោលបំណង ហៅការព្រួយបារម្ភ របស់ប្រទេសតួកគីនៅឡើយ។
យោងតាមសេចក្តីថ្លែងការណ៍ លោក Erdogan ក៏បានរំលឹកឡើងវិញ នូវការរំពឹងទុករបស់តួកគី ក្នុងការដកទណ្ឌកម្មទាំងអស់ លើឧស្សាហកម្មការពារជាតិ និងអាវុធរបស់តួកគី៕ ប្រែសម្រួល ឈូក បូរ៉ា
