បរទេស៖ ប្រធានាធិបតីបារាំងលោក Emmanuel Macron បានថ្កោលទោសមេដឹកនាំ “Anglo Saxon” ចំពោះការជូនពរដោយបើកចំហ លើការបំផ្លិចបំផ្លាញលើប្រទេសរុស្ស៊ី នៅក្នុងឈុតខ្លីៗពីភាពយន្តឯកសារថ្មីៗនេះ។ លោក Macron បានរងការរិះគន់រួចហើយដោយ អ្នកគាំទ្រដ៏ក្លៀវក្លាបំផុតរបស់អ៊ុយក្រែនមួយចំនួន សម្រាប់ការបន្តទំនាក់ទំនង ជាមួយប្រធានាធិបតីរុស្ស៊ីលោក Vladimir Putin ។
យោងតាមសារព័ត៌មាន RT ចេញផ្សាយនៅថ្ងៃទី៣ ខែកក្កដា ឆ្នាំ២០២២ បានឱ្យដឹងថា ខណៈពេលដែលលោកបានថ្កោលទោស ប្រតិបត្តិការយោធារបស់រុស្ស៊ីនៅអ៊ុយក្រែន និងគាំទ្រការដាក់ទណ្ឌកម្មរបស់ សហភាពអឺរ៉ុបលើទីក្រុងមូស្គូ ប្រធានាធិបតីបារាំងរូបនេះ បាននិយាយជាមួយលោកពូទីន តាមទូរស័ព្ទជាច្រើនដងចាប់តាំងពីខែកុម្ភៈមក។ ការអំពាវនាវទាំងនេះទំនងជាមិនបាន នាំអ៊ុយក្រែនឱ្យកាន់តែខិតជិតសន្តិភាពនោះទេ ប៉ុន្តែបានធ្វើឱ្យលោក Macron មានការមើលងាយពីអ្នកគាំទ្ររបស់ទីក្រុងគៀវ រួមទាំងនាយករដ្ឋមន្រ្តីប៉ូឡូញ លោក Mateusz Morawiecki ដែលបានស្តីបន្ទោសសមភាគីបារាំងចំពោះ ការនិយាយជាមួយបុរសម្នាក់ ដែលគាត់បានប្រៀបធៀបទៅនឹង “ហ៊ីត្លែរ” ។
ទោះជាយ៉ាងណាក៏ដោយ នៅក្នុងភាពយន្តឯកសារដែល ទើបតែចាក់ផ្សាយនៅ លើកញ្ចក់ទូរទស្សន៍បារាំង លោក Macron បានផ្តល់ការយល់ដឹងខ្លះៗអំពី វិធីសាស្រ្តរបស់គាត់ចំពោះទំនាក់ទំនងការទូត។
ថតនៅលើរថភ្លើងត្រឡប់ពី ទីក្រុងគៀវកាលពីខែមុន លោក Macron បានពន្យល់ថា ការនិយាយជាមួយលោកពូទីន គឺចាំបាច់ដើម្បីការពារជម្លោះនៅអ៊ុយក្រែន កុំឱ្យក្លាយជាសង្គ្រាមកាន់តែទូលំទូលាយ។ ដោយពណ៌នាអំពីមេដឹកនាំ “Anglo Saxon” ជាការជំរុញសារថា “យើងត្រូវតែបំផ្លាញរុស្ស៊ី ធ្វើឱ្យវាចុះខ្សោយជាអចិន្ត្រៃយ៍” លោក Macron បាននិយាយថា គោលដៅរបស់គាត់គឺជំនួសឱ្យ “ជួយអ៊ុយក្រែនឱ្យឈ្នះ” និង “មិនមែនដើម្បីប្រយុទ្ធប្រឆាំងនឹងរុស្ស៊ីទេ ឱ្យវាវិនាស នោះទេ ៕
ប្រែសម្រួលៈ ណៃ តុលា
