បរទេស៖ សភាតំណាងរាស្រ្តអាមេរិក បានអនុញ្ញាតឱ្យចំណាយលើ វិស័យការពារជាតិចំនួន ៨៤០ ពាន់លានដុល្លារក្នុងឆ្នាំ ២០២៣ ដោយបានបង្កើនថវិកាយោធា ដែលបានស្នើឡើងរបស់លោកប្រធានាធិបតី Joe Biden ចំនួន ៣៧ ពាន់លានដុល្លារ។
យោងតាមសារព័ត៌មាន RT ចេញផ្សាយនៅថ្ងៃទី១៥ ខែកក្កដា ឆ្នាំ២០២២ បានឱ្យដឹងថា ច្បាប់អនុញ្ញាតការពារជាតិប្រចាំឆ្នាំ (NDAA) ដែលកំណត់ការចំណាយយោធា ត្រូវបានអនុម័តកាលពីថ្ងៃព្រហស្បតិ៍ ដោយការបោះឆ្នោត ៣២៩ លើ ១០១សំឡេង ។
សេចក្តីព្រាងច្បាប់នេះផ្តល់ជំនួយចំនួន ១ពាន់លានដុល្លារដល់អ៊ុយក្រែន រួមទាំងកម្មវិធីបណ្តុះបណ្តាល អ្នកបើកយន្តហោះអ៊ុយក្រែន ក្នុងការហោះហើរយន្តហោះ F-15, F-16 និងយន្តហោះសហរដ្ឋអាមេរិកផ្សេងទៀត។
សេចក្តីថ្លែងការណ៍មួយនៅលើគេហទំព័រ របស់សមាជិកសភាលោក Adam Kinzinger បាននិយាយកាលពីខែមុនថា ប្រជាជនអ៊ុយក្រែន គួរតែស្គាល់ខ្លួនឯងជាមួយនឹងយន្តហោះ ដែលផលិតដោយសហរដ្ឋអាមេរិក “ខណៈពេលដែលរដ្ឋបាល នៅតែបន្តពិចារណាលើការ បញ្ជូនឧបករណ៍បែបនេះ” ៕
ប្រែសម្រួលៈ ណៃ តុលា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
