ព័ត៌មានអន្តរជាតិ

ចិន ជំរុញឲ្យអាមេរិក លុបចោល ផែនការលក់ អាវុធទៅឲ្យ តៃវ៉ាន់

ប៉េកាំង ៖ អ្នកនាំពាក្យ ក្រសួងការបរទេសចិន លោក Wang Wenbin បានឲ្យដឹងថា ប្រទេសចិន ប្រឆាំងដាច់ខាត ចំពោះការលក់អាវុធ របស់សហរដ្ឋអាមេរិក ទៅឱ្យកោះតៃវ៉ាន់ និងជំរុញឱ្យសហរដ្ឋអាមេរិក លុបចោលផែនការ លក់អាវុធនេះ។

មានសេចក្តីរាយការណ៍ថា ក្រសួងការបរទេសសហរដ្ឋអាមេរិក បានអនុម័តការលក់ជំនួយបច្ចេកទេស យោធា ដែលមានតម្លៃដល់ទៅ ១០៨ លានដុល្លារដល់ “ការិយាល័យតំណាងសេដ្ឋកិច្ច និងវប្បធម៌តៃប៉ិ នៅសហរដ្ឋអាមេរិក” ។

ជាការឆ្លើយតប លោក Wang បានលើកឡើងថា ការលក់សព្វាវុធ របស់សហរដ្ឋអាមេរិក ទៅកាន់តំបន់តៃវ៉ាន់ របស់ប្រទេសចិន បានបំពានយ៉ាងធ្ងន់ធ្ងរ លើគោលការណ៍ចិន តែមួយ និង សេចក្តីថ្លែងការណ៍រួមចិន-អាមេរិកទាំង៣ ជាពិសេសសេចក្តីថ្លែងការណ៍ថ្ងៃទី១៧ ខែសីហា ធ្វើឱ្យប៉ះពាល់ដល់ អធិបតេយ្យភាព និងផលប្រយោជន៍សន្តិសុខ របស់ចិនយ៉ាងធ្ងន់ធ្ងរ និងធ្វើឱ្យប៉ះពាល់ដល់ ចិន-អាមេរិកយ៉ាងធ្ងន់ធ្ងរ ទំនាក់ទំនងសន្តិភាព និងស្ថិរភាពនៅច្រកសមុទ្រតៃវ៉ាន់ ។

លោកបានបន្ដថា “ប្រទេសចិន ប្រឆាំងយ៉ាងម៉ឺងម៉ាត់ និងថ្កោលទោសយ៉ាងខ្លាំង ចំពោះរឿងនេះ ហើយបានតំណាងយ៉ាងឱឡារិកជាមួយភាគីអាមេរិក” នេះបើយោងតាមការចុះផ្សាយ របស់ទីភ្នាក់ងារសារព័ត៌មាន ចិនស៊ិនហួ។

ផ្ទាំងពាណិជ្ជកម្ម

ចិន ជំរុញឱ្យភាគី អាមេរិក គោរព គោលការណ៍ចិន តែមួយ និងសេចក្តីថ្លែងការណ៍រួមចិន -អាមេរិក ទាំង៣ ហើយលោកបានលើកឡើងថា ចិនជំរុញអាមេរិក ឲ្យលុបចោលផែនការ លក់អាវុធឱ្យតៃវ៉ាន់ និងបញ្ឈប់ការលក់អាវុធទៅឱ្យ និងទំនាក់ទំនងយោធា ជាមួយតៃវ៉ាន់។

លោកបានបន្ថែមថា “ប្រទេសចិន នឹងបន្តចាត់វិធានការយ៉ាងម៉ឺងម៉ាត់ និងរឹងមាំដើម្បីការពារអធិបតេយ្យភាព និងផលប្រយោជន៍ សន្តិសុខរបស់ខ្លួន យ៉ាងរឹងមាំ” ៕

ប្រែសម្រួល ឈូក បូរ៉ា

To Top