បរទេស៖ ប្រធានាធិបតីនៃ ប្រទេសរុស្សីលោក Vladimir Putin កាលពីថ្ងៃព្រហស្បតិ៍ម្សិលមិញនេះ បានជួបពិភាក្សាគ្នាជាមួយនឹង ព្រះអង្គម្ចាស់រាជទាយាត របស់ប្រទេសអារ៉ាប៊ីសាអូឌីត Mohammed bin Salman តាមរយៈទូរស័ព្ទអំពីស្ថានភាពប្រេង របស់សកលលោក និងទីផ្សារផ្គត់ផ្គង់ប្រេងផងដែរ។
មេដឹកនាំទាំងពិរបានធ្វើការ លើកសរសើរយ៉ាងខ្លាំង ចំពោះចំណងទំនាក់ទំនងទ្វេភាគី រវាងប្រទេសទាំងពីរនៅក្នុងកម្រិត ដ៏គួរឲ្យកត់សំគាល់មួយព្រមទាំង កិច្ចសហប្រតិបត្តិការរវាងបណ្តាប្រទេស OPEC+ ផងដែរនេះបើយោងតាមការ
បញ្ជាក់ដោយវិមានក្រមឡាំង។
មេដឹកនាំទាំងពីរបានយល់ស្របគ្នាថា អង្គការនៃបណ្តាប្រទេសនាំប្រេង ចេញព្រមទាំងសម្ព័ន្ធមិត្តដែលរួមមាន ទាំងរុស្សីផងនោះបានធ្វើការជាមួយគ្នា បានយ៉ាងល្អក្នុងការធានាបាននូវ ស្ថេរភាពនិងកាតព្វកិច្ចរបស់ពួកគេ នៅក្នុងទីផ្សារប្រេងរបស់សកល។
គួរឲ្យដឹងដែរថា កាលពីខែមុនក្រុមប្រទេសនេះ បានព្រមព្រៀងគ្នាក្នុងការបង្កើន ការបូមប្រេងរហូតទៅដល់ ៦៤៨ ០០០បារ៉ែល ក្នុងមួយថ្ងៃខណៈដែលអត្រា កំណើនសកលប្រចាំថ្ងៃមាន ០,៧ភាគរយ៕
ប្រែសម្រួល៖ ស៊ុន លី
