បរទេស៖ នាយករដ្ឋមន្ត្រីអ៊ុយក្រែនលោក Denis Shmigal កាលពីថ្ងៃអង្គារម្សិលមិញនេះ បានធ្វើការលើកឡើងថា អ៊ុយក្រែន នឹងធ្វើការស្នើសុំហ្គាសពីសហរដ្ឋអាមេរិក ដូចទៅនឹងគោលការដែលខ្លួន ធ្លាប់បានស្នើសុំជាអាវុធ ពីអាមេរិក យ៉ាងដូច្នោះដែរ ពីព្រោះថារដូវរងាជិតឈានចូល មកដល់អ៊ុយក្រែន ពិតជាត្រូវការ ថាមពលមួយនេះយ៉ាងខ្លាំង។
លោក Shmigal បានប្រកាសបែបនេះ នៅក្នុងពេលកំពុងថ្លែងការណ៍ ទៅកាន់សភាជាតិ កាលពីថ្ងៃអង្គារម្សិលមិញ និងត្រូវបានយកមកចេញផ្សាយ ជាវិដេអូដោយប៉ុស្តិតេឡាក្រាមរបស់គាត់ ដោយក្នុងនោះគាត់បញ្ជាក់ថា៖ រដ្ឋាភិបាលនៃប្រទេសអ៊ុយក្រែន បានឈានទៅដល់ការសម្រេចចិត្ត ក្នុងការដាក់ពាក្យស្នើសុំ រដ្ឋាភិបាលអាមេរិករួចហើយ ក្នុងការប្រើប្រាស់គោលការកំចីធនធានហ្កាស ឬ Gas Lend-Lease ដើម្បីយកមកប្រើប្រាស់ និងធ្វើឲ្យមានស្ថេរភាព ចំពោះរដូវរងារខាងមុខនេះ ជូនពលរដ្ឋរបស់ខ្លួន។
លោកបន្តទៀតដែរថា៖ការត្រៀមរៀបចំខ្លួន សម្រាប់រដូវរងារដ៏សែនលំបាក នៅតែបន្តកើតឡើង នៅក្នុងប្រវត្តិសាស្ត្ររបស់យើងនៅឡើយ ហើយអ៊ុយក្រែននឹងធ្វើអ្វីគ្រប់យ៉ាង ឲ្យអស់ពីលទ្ធភាពក្នុងការរៀបចំ នូវគ្រប់សេណារីយ៉ូជាមុន ជូនពលរដ្ឋរបស់យើង។
គួរឲ្យដឹងដែរថា បច្ចុប្បន្នរដ្ឋាភិបាលវ៉ាស៊ិនតោនបច្ចុប្បន្ន បានបញ្ជូនអាវុធដែលមានតម្លៃ រាប់លានដុល្លាររួចមកហើយ ជូនរដ្ឋាភិបាលអ៊ុយក្រែនដែលវាភាគច្រើន គឺស្ថិតនៅក្នុងកម្មវិធីមួយ ដែលមានឈ្មោះថា WWII-era ៕ ប្រែសម្រួល៖ស៊ុនលី
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
