បរទេស៖ រថពាសដែក ឧទ្ធម្ភាគចក្រ និងគ្រឿងបរិក្ខារយោធាជាច្រើនគ្រឿង ត្រូវបានគេប្រទះឃើញនៅក្នុងខេត្ត Fujian របស់ប្រទេសចិន ឆ្លងកាត់ច្រកសមុទ្រពីកោះតៃវ៉ាន់ នេះបើយោងតាមវីដេអូដែលមិនបានបញ្ជាក់ដែលបានបង្ហោះនៅលើប្រព័ន្ធផ្សព្វផ្សាយសង្គមកាលពីថ្ងៃអង្គារ។
យោងតាមសារព័ត៌មាន RT ចេញផ្សាយនៅថ្ងៃទី២ ខែសីហា ឆ្នាំ២០២២ បានឱ្យដឹងថា ការបង្កើតអាវុធដែលត្រូវបានគេចោទប្រកាន់នេះកើតឡើងចំពេលដែលមានសេចក្តីរាយការណ៍ពីប្រព័ន្ធផ្សព្វផ្សាយថាប្រធានសភាអាមេរិកលោកស្រី Nancy Pelosi នឹងមកដល់កោះដែលគ្រប់គ្រងដោយខ្លួនឯងដែលក្រុងប៉េកាំងចាត់ទុកថាជាផ្នែកនៃទឹកដីរបស់ខ្លួននៅថ្ងៃក្រោយ។
វីដេអូនៅលើប្រព័ន្ធផ្សព្វផ្សាយសង្គម – ត្រូវបានគេរាយការណ៍ថា បានថតនៅក្នុងខេត្ត Fujian – បានបង្ហាញជួរនៃរថពាសដែក និងរថយន្តយោធាដែលកំពុងធ្វើដំណើរតាមដងផ្លូវក្នុងតំបន់។ រថក្រោះក៏ត្រូវបានថតផងដែរដែលត្រូវបានដឹកដោយរថយន្ត។
ជាក់ស្តែងផ្លូវដែកនេះក៏ត្រូវបានប្រើប្រាស់ជាផ្នែកមួយនៃការដាក់ពង្រាយផងដែរ ដោយឈុតមួយបង្ហាញពីអ្វីដែលមើលទៅដូចជាកាំជ្រួចផ្លោងរយៈចម្ងាយខ្លី Dong-Feng 15 ដែលកំពុងដំណើរការ៕
ប្រែសម្រួលៈ ណៃ តុលា
