CNN៖ ក្នុងរយៈពេលប៉ុន្មាននាទី នៃប្រធានសភាអាមេរិក លោកស្រី Nancy Pelosi បានចុះចតនៅតៃវ៉ាន់ នៅយប់ថ្ងៃអង្គារ ប្រទេសចិន បានឲ្យដឹងថា ខ្លួននឹងចាប់ផ្តើមភ្លាមៗនូវ “ប្រតិបត្តិការយោធារួមគ្នាជុំវិញកោះ” រួមទាំងការប្រើប្រាស់ គ្រាប់រំសេវ រយៈចម្ងាយឆ្ងាយ នៅច្រកសមុទ្រតៃវ៉ាន់ផងដែរ។
សេចក្តីប្រកាសមួយ ពីបញ្ជាការរោងមហោស្រព ភាគខាងកើត របស់កងទ័ពរំដោះប្រជាជនចិន បានឲ្យដឹងនៅយប់ថ្ងៃអង្គារថា សមយុទ្ធជាបន្តបន្ទាប់ នឹងត្រូវធ្វើឡើងនៅលើសមុទ្រ និងនៅលើអាកាសជុំវិញកោះតៃវ៉ាន់ ដែលជាកោះគ្រប់គ្រងដោយខ្លួនឯង ដែលប្រទេសចិននិយាយថា ជាទឹកដីអធិបតេយ្យភាពរបស់ខ្លួន។
លោក Col. Shi Yi អ្នកនាំពាក្យរបស់អង្គភាពខាងលើ បានឲ្យ ដឹង នៅ ក្នុង សេចក្តី ថ្លែងការណ៍ មួយថា “សកម្មភាពនេះ គឺជាការរារាំងដ៏ឧឡារិកមួយ ប្រឆាំងនឹងការកើនឡើង ដ៏ធំនាពេលថ្មីៗនេះ នៃសកម្មភាពអវិជ្ជមាន របស់សហរដ្ឋអាមេរិក លើបញ្ហាតៃវ៉ាន់ និងការព្រមានដ៏ធ្ងន់ធ្ងរ ដល់កងកម្លាំង ‘ឯករាជ្យតៃវ៉ាន់’ ដែលកំពុងស្វែងរក ឯករាជ្យ”។
រោងមហោស្រពភាគខាងកើត គឺជាបញ្ជាការរួមមួយ ក្នុងចំណោមបញ្ជាការ រួមទាំង៥ របស់កងទ័ពរំដោះប្រជាជនចិន (PLA) ដែលមានយុត្តាធិការ លើខេត្តឆ្នេរភាគខាងកើត របស់ប្រទេសចិនគឺ Fujian និង Zhejiang ដែលស្ថិតនៅទល់មុខ និងខាងលើតៃវ៉ាន់។
ក្រសួងការពារជាតិចិន បានឲ្យដឹងថា PLA មានការប្រុងប្រយ័ត្នខ្ពស់ ហើយនឹងចាប់ផ្តើម ប្រតិបត្តិការយោធា គោលដៅជាបន្តបន្ទាប់ ដើម្បីទប់ទល់នឹងស្ថានការណ៍ ការពារអធិបតេយ្យភាពជាតិ និងបូរណភាពទឹកដីយ៉ាងម៉ឺងម៉ាត់ និងរារាំងការជ្រៀតជ្រែក របស់កងកម្លាំងខាងក្រៅ និងគម្រោងអបគមន៍ ‘ឯករាជ្យតៃវ៉ាន់’ ។
នៅក្នុងចលនាមិនធម្មតាមួយ ប្រព័ន្ធផ្សព្វផ្សាយរដ្ឋរបស់ចិន បានបង្ហោះនៅលើ Twitter នូវផែនទីបង្ហាញតំបន់ចំនួន៦ ជុំវិញកោះតៃវ៉ាន់ ដែលខ្លួនបាននិយាយថា PLA នឹងធ្វើសមយុទ្ធ រួមទាំងសមយុទ្ធបាញ់គ្រាប់ពិត ចាប់ពីថ្ងៃព្រហស្បតិ៍ដល់ថ្ងៃអាទិត្យ៕
ប្រែសម្រួល ឈូក បូរ៉ា
