ប៉េកាំង៖ អនុរដ្ឋមន្ត្រីការបរទេសចិន លោក Xie Feng បានកោះហៅឯកអគ្គរដ្ឋទូត សហរដ្ឋអាមេរិកប្រចាំ នៅប្រទេសចិន លោក Nicholas Burns ជាបន្ទាន់កាលពីយប់ថ្ងៃអង្គារ ហើយបានតំណាងយ៉ាងតឹងរ៉ឹង និងការតវ៉ាយ៉ាងខ្លាំង ចំពោះដំណើរទស្សនកិច្ចរបស់ ប្រធានសភាតំណាងរាស្រ្តអាមេរិកលោកស្រី Nancy Pelosi ទៅកាន់តំបន់តៃវ៉ាន់ របស់ប្រទេសចិន។
ដោយកត់សម្គាល់ថាលោកស្រី Pelosi ប្រថុយនឹងការថ្កោលទោសជាសកល ដើម្បីបង្ករឿងដោយចេតនា និងលេងជាមួយភ្លើង លោក Xie បានឲ្យដឹងថា នេះគឺជាការរំលោភយ៉ាងធ្ងន់ធ្ងរ លើគោលការណ៍ចិនតែមួយ និងសេចក្តីថ្លែងការណ៍រួមចិន-អាមេរិកទាំង៣។
វាមានឥទ្ធិពលយ៉ាងខ្លាំង ដល់មូលដ្ឋាននយោបាយ ចិន-អាមេរិក។ លោក Xie បានលើកឡើងថាទំនាក់ទំនង និងការរំលោភយ៉ាងធ្ងន់ធ្ងរ ទៅលើអធិបតេយ្យភាព និងបូរណភាពទឹកដីរបស់ប្រទេសចិន លោក Xie បានឲ្យដឹងដោយបន្ថែមថា វាប៉ះពាល់យ៉ាងធ្ងន់ធ្ងរដល់សន្តិភាព និងស្ថិរភាពនៅទូទាំងច្រកសមុទ្រតៃវ៉ាន់ ហើយបានបញ្ជូនសញ្ញាខុសយ៉ាងធ្ងន់ធ្ងរ ដល់កងកម្លាំងបំបែកខ្លួនសម្រាប់ “ឯករាជ្យតៃវ៉ាន់” ។
លោក Xie បានកត់សម្គាល់ថា “ការផ្លាស់ប្តូរនេះគឺធ្ងន់ធ្ងរបំផុតនៅក្នុងធម្មជាតិ ហើយផលវិបាកគឺធ្ងន់ធ្ងរបំផុត។ ប្រទេសចិន នឹងមិនអង្គុយដោយស្ងៀមស្ងាត់ឡើយ” នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ ។
លោក Xie បានបន្ដថា រដ្ឋាភិបាលសហរដ្ឋអាមេរិក ត្រូវតែទទួលខុសត្រូវ។ មួយរយៈនេះ អាមេរិកបាននិយាយរឿងមួយ និងធ្វើរឿងមួយទៀត ដោយតែងតែបំភ្លៃ និងលាក់បាំងគោលការណ៍ចិនតែមួយ។
វាបានលុបការបញ្ចេញមតិសំខាន់ៗដូចជា តៃវ៉ាន់ជាផ្នែកមួយនៃប្រទេសចិន ពីគេហទំព័រក្រសួងការបរទេសសហរដ្ឋអាមេរិក ដាក់តៃវ៉ាន់នៅក្នុងអ្វីដែលគេហៅថា “យុទ្ធសាស្ត្រឥណ្ឌូប៉ាស៊ីហ្វិក” ដោយបើកចំហទំនាក់ទំនង របស់ខ្លួនជាមួយតៃវ៉ាន់ និងបង្កើនការលក់អាវុធទៅកាន់តំបន់ និងគាំទ្រសកម្មភាពបំបែកខ្លួន។ សម្រាប់ “ឯករាជ្យភាពតៃវ៉ាន់” ។
លោកបានបន្ថែមថា រដ្ឋាភិបាលសហរដ្ឋអាមេរិក បានបណ្ដោយខ្លួនជាជាងទប់ទល់នឹង ទង្វើដោយចេតនារបស់លោកស្រី Pelosi ដែលនាំឱ្យមានការកើនឡើងនៃ ភាពតានតឹងនៅទូទាំងច្រកសមុទ្រតៃវ៉ាន់ និងបានធ្វើឱ្យប៉ះពាល់យ៉ាងធ្ងន់ធ្ងរ ដល់ទំនាក់ទំនងចិន-អាមេរិក ៕
ប្រែសម្រួល ឈូក បូរ៉ា
