បរទេស៖ ប្រធានាធិបតីអ៊ុយក្រែនលោក Vladimir Zelensky កាលពីថ្ងៃអង្គារម្សិលមិញនេះ បានធ្វើការលើកឡើងថា ឆាកប្រយុទ្ធគ្នានៅក្នុងតំបន់ Donbass នៅពេលនេះមានលក្ខខណ្ឌដូចទៅនឹង ឋាននារកហើយអះអាងថា យោធាអ៊ុយក្រែនកំពុងបន្ត ប្រតិបត្តិការរបស់ខ្លួនក្នុងទ្រង់ទ្រាយធំនៅឡើយ ហើយព្រមទាំងកំពុងប្រើប្រាស់អាវុធសំខាន់ៗ ដោយទទួលបានពីលោកខាងលិច ដូចជាប្រព័ន្ធរ៉ូក្កែត HIMARS ជាដើម។
នៅក្នុងសេចក្តីថ្លែងការណ៍ ដែលមានរយៈពេល៥នាទី ទៅកាន់ពលរដ្ឋអ៊ុយក្រែនលោក Zelensky ក៏បានធ្វើការថ្លែងអំណរគុណ ដល់ប្រធានាធិបតីអាមេរិកលោក Joe Biden និងអង្គការណាតូផងដែរដែល ជាអ្នកបានជួយផ្គត់ផ្គង់កាំភ្លើងធំ និងអាវុធជាច្រើនមកឲ្យអ៊ុយក្រែន ហើយហៅវាថា គឺជាជំនួយដ៏មានប្រសិទ្ធភាព។
គួរឲ្យដឹងដែរថាមកដល់ពេលនេះ សហរដ្ឋអាមេរិកបានបញ្ចូនអាវុធប្រភេទ HIMARS នេះចំនួន១៦គ្រឿងមកហើយ ទៅឲ្យប្រទេសអ៊ុយក្រែនប៉ុន្តែខាងរុស្សីបានអះអាងថា ខ្លួនបានបំផ្លាញប្រព័ន្ធកាំភ្លើងធំទាំងនេះចំនួន
៤គ្រឿងរួចមកហើយខណៈដែលអ៊ុយក្រែន និងប៉ង់តាហ្គោនតែងតែបានបដិសេធ។
លោកប្រធានាធិបតីបានថ្លែងបែបនេះថា៖ មកដល់ពេលនេះយើងមិនទាន់ បានធ្វើការបំបែកទីតាំងកាន់កាប់ ដោយយោធារុស្សីឡើយ ហើយការប្រយុទ្ធគ្នាពេលនេះ ដូចជាស្ថិតនៅឋាននរកដែលយើង មិនអាចពណ៍នាបានជាភាសា
និយាយនោះឡើយ ៕
ប្រែសម្រួល៖ ស៊ុន លី
