ហៃរៀ៖ លោកស្រី Monica Mutsvangwa អ្នកនាំពាក្យរដ្ឋាភិបាល ហ្ស៊ីម បាវេ បានឲ្យដឹងនៅក្នុងសេចក្តីថ្លែងការណ៍មួយ កាលពីពេលថ្មីៗនេះថា ដំណើរទស្សនកិច្ចរបស់ប្រធានសភា អាមេរិក លោកស្រី Nancy Pelosi ទៅកាន់កោះតៃវ៉ាន់ របស់ប្រទេសចិន បានរំលោភលើគោលការណ៍ចិន តែមួយ។
នៅក្នុងសេចក្តីថ្លែងការណ៍ ដែលបានចេញផ្សាយ កាលពីថ្ងៃពុធ លោកស្រី Mutsvangwa ដែលមានតួនាទីជារដ្ឋមន្ត្រីព័ត៌មានហ្ស៊ីមបាវេ បានលើកឡើងថា វាត្រូវបានទទួលស្គាល់ជាអន្តរជាតិថា មានប្រទេសចិនតែមួយ ហើយតៃវ៉ាន់ គឺជាផ្នែកសំខាន់របស់វា។
គោលការណ៍ចិនតែមួយ គឺជាមូលដ្ឋានគ្រឹះនយោបាយរបស់ចិន-អាមេរិក។ សេចក្តីថ្លែងការណ៍បានឲ្យដឹងថា ទំនាក់ទំនងដោយបន្ថែមថាការប្រព្រឹត្តដែលបំពានលើគោលការណ៍ចិនតែមួយ “នឹងនាំឱ្យមានភាពតានតឹង ដោយជៀសមិនរួច រវាងប្រទេសសេដ្ឋកិច្ច ឈានមុខគេទាំងពីរ នៃពិភពលោក” ។
ដោយហៅប្រទេសហ្ស៊ីមបាវេថា “មិត្តដ៏យូរលង់ដែលឈរក្បែរទីក្រុងប៉េកាំង” សេចក្តីថ្លែងការណ៍បានកត់សម្គាល់ថា ប្រទេសនេះទទួលស្គាល់ចិនតែមួយ ហើយប្រឆាំងដាច់ខាត ចំពោះសកម្មភាព ឬការប៉ុនប៉ងណាមួយ ដែលបំពានលើគោលការណ៍ចិនតែមួយ។
នៅក្នុងនោះដែរ គណបក្ស ZANU-PF ដែលកំពុងកាន់អំណាចរបស់ប្រទេសហ្ស៊ីមបាវេ ក៏បានចេញសេចក្តីថ្លែងការណ៍មួយ ដើម្បីបញ្ជាក់ឡើងវិញនូវការគាំទ្ររបស់ខ្លួន ចំពោះគោលការណ៍ចិនតែមួយ៕
ប្រែសម្រួល ឈូក បូរ៉ា
