លោក ដូណាល់ ត្រាំ បដិសេធមិនឆ្លើយសំណួរ នៅក្នុងការស៊ើបអង្កេតស៊ីវិល

វ៉ាស៊ីនតោន៖ អតីត ប្រធានាធិបតីអាមេរិក លោក ដូណាល់ ត្រាំ បានបដិសេធមិនឆ្លើយសំណួរ នៅក្នុងការស៊ើបអង្កេត រដ្ឋប្បវេណី លើជំនួញរបស់លោក កាលពីព្រឹកថ្ងៃពុធនោះឡើយ។ នេះបើយោងតាមការចុះផ្សាយ របស់ទីភ្នាក់ងារសារព័ត៌មាន ចិន ស៊ិនហួ។

បន្ទាប់ពីបានមកដល់ការិយាល័យ អគ្គមេធាវី នៃទីក្រុងញូវយ៉ក សម្រាប់ការដកខ្លួនលោក ត្រាំ បានចេញសេចក្តីថ្លែងការណ៍មួយដោយថា លោកនឹងអំពាវនាវឱ្យ មានវិសោធនកម្មទី៥ ប្រឆាំងនឹងការចោទប្រកាន់ ខ្លួនឯង។

គណបក្ស សាធារណរដ្ឋ ក៏បាន រិះគន់ អគ្គមេធាវី ញូវយ៉ក លោក Letitia James ចំពោះ អ្វី ដែល លោក ហៅថា គោលនយោបាយ “ទទួល និង កម្ទេច លោក ត្រាំ”។

ការិយាល័យរបស់លោក James បាននឹងកំពុងធ្វើការស៊ើបអង្កេតស៊ីវិលមួយថាតើអង្គការ ត្រាំ បានបំប៉ោង តម្លៃទ្រព្យសម្បត្តិ ដោយមិនត្រឹមត្រូវ លើរបាយការណ៍ហិរញ្ញវត្ថុ ដើម្បីទទួលបានប្រាក់កម្ចី និងអត្ថប្រយោជន៍ពន្ធ។

ការធ្លាក់ចុះនេះ បានកើតឡើង ពីរថ្ងៃ បន្ទាប់ពីភ្នាក់ងាររបស់ការិយាល័យស៊ើបអង្កេត សហព័ន្ធ (FBI) បានឆ្មក់ចូល ទៅក្នុងរមណីយដ្ឋាន Mar-a-Lago របស់លោក ក្នុង ក្រុង Palm Beach រដ្ឋ Florida។

ប្រតិបត្តិការ ដែលមិនមានការប្រកាសនេះ ត្រូវបានគេនិយាយថា មានជាប់ពាក់ព័ន្ធទៅនឹង សម្ភារដែលលោក ត្រាំ បានចោទប្រកាន់ថា បានយកជាមួយលោក ពីសេតវិមានទៅកាន់ Mar-a-Lago នៅពេលដែលលោក ចាកចេញ ពីតំណែងក្នុងខែមករា ឆ្នាំ២០២១៕

ប្រែសម្រួល ឈូក បូរ៉ា