តេអេរ៉ង់៖ អ្នកនាំពាក្យក្រសួងការបរទេសអ៊ីរ៉ង់ បានឲ្យដឹងថា “ការបង្កើតរឿងរ៉ាវ” របស់សហរដ្ឋអាមេរិកអំពី “ធាតុក្ស័យធនផ្នែកនយោបាយ ភេរវករ ដែលគេស្គាល់ និងជាអ្នកធ្វើរដ្ឋប្រហារ” ប្រឆាំងនឹងរដ្ឋឯករាជ្យ គឺជា “ការប៉ុនប៉ងបោកបញ្ឆោត ដើម្បីគេចចេញពីការទទួលខុសត្រូវអន្តរជាតិ” ។
លោក Nasser Kanaani បានធ្វើការកត់សម្គាល់នេះ តាមរយៈសារ ដើម្បីជាប្រតិកម្មចំពោះចំណាត់ការ របស់ក្រសួងយុត្តិធម៌សហរដ្ឋអាមេរិក ក្នុងការចោទប្រកាន់សមាជិក នៃកងឆ្មាំបដិវត្តន៍អ៊ីស្លាមអ៊ីរ៉ង់ពីបទ “រៀបចំផែនការធ្វើឃាត” លោក John Bolton អតីតទីប្រឹក្សាសន្តិសុខជាតិ របស់សហរដ្ឋអាមេរិក។
លោកបានថ្កោលទោស ទីក្រុងវ៉ាស៊ីនតោន ចំពោះការរក្សាកម្រិតការចោទប្រកាន់ “គ្មានមូលដ្ឋាន” ប្រឆាំងនឹងទីក្រុងតេអេរ៉ង់ដោយថា “អ្នកគាំទ្របែបនេះនឹងមិនធ្វើឱ្យខូចមុខមាត់ របស់របបសហរដ្ឋអាមេរិកនោះទេ ប៉ុន្តែធ្វើឱ្យប្រជាជនអ៊ីរ៉ង់ និងពិភពលោក កាន់តែអាក់អន់ចិត្តចំពោះវា” ។
នៅក្នុងសេចក្តីថ្លែងការណ៍ ដាច់ដោយឡែកមួយ ដែលបានចេញផ្សាយនៅលើគេហទំព័រ របស់ក្រសួងកាលពីថ្ងៃព្រហស្បតិ៍ លោក Kanaani បានលើកឡើងថា វិធានការបែបនេះ គឺជាការបន្ត នៃគោលនយោបាយបរាជ័យ របស់ទីក្រុងវ៉ាស៊ីនតោន ក្នុងការរីករាលដាលជំងឺឆ្កួតជ្រូក ដោយបន្ថែមថាអ៊ីរ៉ង់ព្រមានយ៉ាងម៉ឺងម៉ាត់ ប្រឆាំងនឹងសកម្មភាពណាមួយ ប្រឆាំងនឹងជនជាតិរបស់ខ្លួន ដោយផ្អែកលើការចោទប្រកាន់ “គួរឱ្យអស់សំណើច” បែបនេះ៕ ប្រែសម្រួល ឈូក បូរ៉ា
