ថ្ងៃទី ១៧ ខែសីហា ក្រសួងឃោសនាការនៃគណៈកម្មាធិការមជ្ឈឹមបក្សកុម្មុយនីស្តចិនបានធ្វើសន្និសីទកាសែតក្រោមប្រធានបទ«ប្រទេសចិនក្នុងរយៈពេល ១០ ឆ្នាំកន្លងទៅ» អ្នកទទួលខុសត្រូវពាក់ព័ន្ធបានបង្ហាញអំពីសមិទ្ធផលនិងវិធានការនៃបុព្វហេតុសាមគ្គីភាពនិងវឌ្ឍនភាពជនជាតិក្នុងយុគសម័យថ្មីរបស់ចិន។
លោកZhaoYong អនុប្រធានគណៈកម្មាធិការកិច្ចការជនជាតិជាតិចិនបានថ្លែងថា បន្ទាប់ពីសមាជបក្សលើកទី១៨មក បុព្វហេតុសាមគ្គីភាពនិងវឌ្ឍនភាពជនជាតិក្នុងយុគសម័យថ្មីរបស់ចិនទទួលបានសមិទ្ធផលជាប្រវត្តិសាស្ត្រ។ សភាពការណ៍សិទ្ធិមនុស្សជនជាតិភាគតិចរបស់ចិនគឺស្ថិតក្នុងដំណាក់កាលល្អបំផុតក្នុងប្រវត្តិសាស្ត្រ។
ប្រទេសចិនជាប្រទេសបង្រួបបង្រួមពហុជនជាតិ ដែលមានជនជាតិចំនួន 56 និងប្រជាជនចំនួន១៤០០លាននាក់ បានអនុវត្តនយោបាយអភិវឌ្ឍន៍ដែលគ្រប់ជនជាតិមានសិទ្ធិស្មើគ្នា សាមគ្គីគ្នា ភូមិភាគស្វយ័តជនជាតិភាគតិច គ្រប់ជនជាតិមានភាពរុងរឿងរួមគ្នា ។ នៅប្រទេសចិន បណ្តាជនជាតិមិនថាចំនួនមនុស្សច្រើនក្តី តិចក្តី ប្រវត្តិសាស្ត្រជនជាតិយូរក្តីខ្លីក្តី កម្រិតអភិវឌ្ឍន៍ខ្ពស់ក្តីទាបក្តី គឺមានសមភាព។ ក្នុងរយៈពេល១០ឆ្នាំកន្លងមក ជនកក្រីក្រសរុបចំនួន 3121 ម៉ឺននាក់នៅតំបន់ជនជាតិភាគតិចរបស់ចិនបានចេញពីភាពក្រីក្រទាំងស្រុង ។ នៅជំហានក្រោយ ចិននឹងជំរុញឱ្យតំបន់ជនជាតិភាគតិចអភិវឌ្ឍប្រកបដោយគុណភាពខ្ពស់៕វិទ្យុមិត្តភាពកម្ពុជាចិន
