បរទេស៖ ទីភ្នាក់ងារចិនស៊ិនហួ ចេញផ្សាយនៅថ្ងៃនេះបានឲ្យដឹងថា ប្រធានាធិបតីថ្មីហ្វីលីពីន Ferdinand Romualdez Marcos នឹងត្រូវបំពេញទស្សនកិច្ច ទៅកាន់ប្រទេសឥណ្ឌូនេស៊ី និងប្រទេសសិង្ហបុរីនៅខែក្រោយនេះ។
កាលវិភាគនេះបានក្លាយទៅជា ដំណើរទស្សនកិច្ចលើកដំបូង ក្នុងអាណត្តិថ្មីរបស់លោក ទៅកាន់ប្រទេសក្រៅ គិតចាប់តាំងតែពីថ្ងៃទី៣០ ខែមិថុនា ដែលលោកបានទទួលតំណែង។
ប្រភពដដែលបានបន្តទៀតថា ដំណើរទស្សនកិច្ចរបស់លោក Marcos នឹងត្រូវធ្វើឡើងចាប់ពីថ្ងៃទី៤ ដល់ថ្ងៃទី៦ ខែកញ្ញា នៅក្នុងប្រទេសឥណ្ឌូនេស៊ី និងពីថ្ងៃទី៦ ដល់ថ្ងៃទី៧ ខែកញ្ញា នៅក្នុងប្រទេសសិង្ហបុរី ។
ក្រៅពីនោះផងដែរហ្វីលីពីន ក៏បានអះអាងដែរថាលោក Marcos ក៏នឹងទំនងជាអាចធ្វើដំណើរ ទៅបំពេញទស្សនកិច្ច
នៅទីស្នាក់ការកណ្តាល របស់អង្គការសហប្រជាជាតិ ក្នុងទីក្រុងញូវយ៉កផងដែរ នៅក្នុងខែកញ្ញានេះដូចគ្នា ៕
ប្រែសម្រួល៖ ស៊ុន លី
