វីយែន ៖ ទីភ្នាក់ងារថាមពលបរមាណូ អន្តរជាតិ (IAEA) បានឲ្យដឹងថា ខ្លួនកំពុងពិគ្រោះ យោបល់ យ៉ាងសកម្មជាមួយភាគីទាំងអស់ លើការបញ្ជូនបេសកកម្ម ទៅកាន់រោងចក្រ ថាមពល នុយក្លេអ៊ែរ Zaporizhzhia នៅភាគខាងត្បូងអ៊ុយក្រែន ឱ្យបានឆាប់តាម ដែលអាចធ្វើទៅបាន។
អគ្គនាយក IAEA លោក Rafael Grossi បានអះអាងសារជាថ្មី នៅក្នុងសេចក្តីថ្លែងការណ៍មួយថា ការអំពាវនាវរបស់លោក សម្រាប់ការអត់ធ្មត់ជាអតិបរមា នៅក្នុងតំបន់នៃរោងចក្រ Zaporizhzhia បន្ទាប់ពី “សញ្ញាថ្មីនៃភាពតាន តឹងកើនឡើង” ។
លោក Grossi បានព្រមានថា ការកើនឡើងបន្ថែមទៀតអាច “នាំឱ្យមានគ្រោះថ្នាក់នុយក្លេអ៊ែរធ្ងន់ធ្ងរ ជាមួយនឹងផលវិបាកយ៉ាងធ្ងន់ធ្ងរ សម្រាប់សុខភាពមនុស្ស និងបរិស្ថាននៅក្នុងអ៊ុយក្រែន និងកន្លែងផ្សេងទៀត” ។
ប្រធានអង្គការឃ្លាំមើល នុយក្លេអ៊ែរ របស់អង្គការសហប្រជាជាតិ បានរំលឹកឡើងវិញពីតម្រូវការ ក្នុងការបញ្ជូនបេសកកម្ម IAEA ដើម្បីអនុវត្តសកម្មភាព សុវត្ថិភាព សន្តិសុខ និងការការពារ នៅរោងចក្រ Zaporizhzhia ។
លោកក៏បានស្វាគមន៍ ចំពោះ “សេចក្តីថ្លែងការណ៍ថ្មីៗដែលបង្ហាញថា ទាំងអ៊ុយក្រែន និងរុស្ស៊ី បានគាំទ្រ” គោលបំណងរបស់ IAEA ក្នុងការបញ្ជូនបេសកកម្ម ទៅកាន់រោងចក្រ Zaporizhzhia ។
រោងចក្រ Zaporizhzhia ដែលជារោងចក្រថាមពល នុយក្លេអ៊ែរដ៏ធំបំផុតមួយរបស់អឺរ៉ុប ត្រូវបានគ្រប់គ្រងដោយ កងកម្លាំងរុស្ស៊ី តាំងពីដើមខែមីនា ប៉ុន្តែបុគ្គលិកអ៊ុយក្រែន បានបន្តដំណើរការវា ហើយកាលពីសប្តាហ៍មុន អ៊ុយក្រែន និងរុស្ស៊ី បានផ្លាស់ប្តូរការចោទប្រកាន់ជុំវិញ ការធ្វើកូដកម្ម លើ រោងចក្រ នេះ៕
ប្រែសម្រួល ឈូក បូរ៉ា
