ប៉េកាំង៖ ក្រសួងការបរទេសចិន បានបដិសេធការលើកឡើងខុស របស់ឯកអគ្គរដ្ឋទូតអាមេរិក ប្រចាំនៅប្រទេសចិនលោក Nicholas Burns ទាក់ទងនឹងតំបន់តៃវ៉ាន់ ដោយបានកត់សម្គាល់ ការលើកឡើងខុសរបស់លោក ហើយជាថ្មីម្តងទៀតបង្ហាញពីតក្កវិជ្ជា ដែលបង្ខូចទ្រង់ទ្រាយ និងអនុត្តរភាពរបស់សហរដ្ឋអាមេរិក។
នៅថ្ងៃទី១៩ ខែសីហា លោក Burns បានឲ្យដឹងនៅក្នុងបទសម្ភាសន៍ របស់លោកជាមួយ CNN ថាប្រទេសចិន បានប្រតិកម្មខ្លាំងពេក ចំពោះដំណើរទស្សនកិច្ច របស់ប្រធានសភាអាមេរិកលោកស្រី Nancy Pelosi ទៅកាន់កោះតៃវ៉ាន់ ហើយឥឡូវនេះចិន បានក្លាយជាភ្នាក់ងារអស្ថិរភាព នៅក្នុងច្រកសមុទ្រតៃវ៉ាន់ និងបង្កើតវិបត្តិក្នុងទំនាក់ទំនងអាមេរិក-ចិន។
លោកក៏បានលើកឡើងផងដែរថា អនុរដ្ឋមន្ត្រីការបរទេសចិន Xie Feng បានកោះហៅលោកបន្ទាប់ពីយន្តហោះដឹកលោកស្រី Pelosi ចុះចតនៅតៃវ៉ាន់ ដោយពណ៌នាកិច្ចប្រជុំថា “មានភាពចម្រូងចម្រាស”។
ឆ្លើយតបនឹងសំណួររបស់ប្រព័ន្ធផ្សព្វផ្សាយ ទាក់ទងនឹងការកត់សម្គាល់របស់លោក Burns អ្នកនាំពាក្យក្រសួងការបរទេសចិន បានឲ្យដឹងថា មុនពេលដំណើរទស្សនកិច្ច ដ៏បង្កហេតុរបស់លោកស្រី Pelosi ទៅកាន់តំបន់តៃវ៉ាន់ របស់ប្រទេសចិន ភាគីចិនបានធ្វើការថ្កោលទោសយ៉ាងធ្ងន់ធ្ងរ ចំពោះភាគីអាមេរិក ក្នុងកម្រិតផ្សេងៗ ដើម្បីប្រាប់សហរដ្ឋអាមេរិកម្តងហើយម្តងទៀត អំពីធម្មជាតិដ៏ធ្ងន់ធ្ងរ និងគ្រោះថ្នាក់ធ្ងន់ធ្ងរ នៃដំណើរទស្សនកិច្ចនេះ ហើយបានបញ្ជាក់យ៉ាងច្បាស់ថា ផលវិបាកទាំងអស់ ដែលកើតឡើងគួរតែកើតឡើងដោយភាគីអាមេរិក។
អ្នកនាំពាក្យរូបនេះបានបន្ដថា វានឹងមិនយុត្តិធម៌នោះទេ ក្នុងការនិយាយថា សហរដ្ឋអាមេរិក មិនត្រូវបានគេព្រមានអំពីផលវិបាកប្រសិនបើដំណើរទស្សនកិច្ចនេះបានកើតឡើង នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
ភ្លាមៗបន្ទាប់ពីការមកដល់របស់លោកស្រី Pelosi នៅកោះតៃវ៉ាន់ អនុរដ្ឋមន្ត្រីការបរទេសចិន លោក Xie Feng បានកោះហៅឯកអគ្គរដ្ឋទូតលោក Burns ជាបន្ទាន់ ដើម្បីធ្វើប្រឆាំងយ៉ាងធ្ងន់ធ្ងរ និងការតវ៉ាយ៉ាងខ្លាំង ចំពោះភាគីអាមេរិក ក្នុងនាមរដ្ឋាភិបាលចិន។
លោកបានចង្អុលបង្ហាញថា សហរដ្ឋអាមេរិកបានទទូច ឲ្យធ្វើតាមការសម្រេចចិត្តខុសរបស់ខ្លួន ហើយត្រូវតែបង់ថ្លៃសម្រាប់វា។ លោកក៏បានជំរុញឱ្យភាគីអាមេរិក ជួសជុលកំហុសជាបន្ទាន់ ដោយចាត់វិធានការជាក់ស្តែង ដើម្បីលុបចោលនូវផលប៉ះពាល់ដ៏ធ្ងន់ធ្ងរនៃដំណើរទស្សនកិច្ចរបស់លោកស្រី Pelosi ។
ទោះជាយ៉ាងណាក៏ដោយ ជំនួសឱ្យការឆ្លុះបញ្ចាំងពីកំហុសរបស់ខ្លួន និងការផ្លាស់ប្តូរផ្លូវ ភាគីអាមេរិកបានព្យាយាមបង្វែរការ ស្តីបន្ទោសមកលើប្រទេសចិន។ មន្ត្រីជាន់ខ្ពស់របស់សហរដ្ឋអាមេរិកជាច្រើននាក់ បានចេញសេចក្តីថ្លែងការណ៍ ជាសាធារណៈម្តងមួយៗ ដែលបង្ហាញពីលក្ខណៈខុសនៃព្រឹត្តិការណ៍។
អ្នកនាំពាក្យបានបន្ថែមថា ពួកគេបានព្យាយាមពន្យល់ ពីការទទួលខុសត្រូវ របស់សហរដ្ឋអាមេរិក ចំពោះការបង្កើនភាពតានតឹង នៅក្នុងច្រកសមុទ្រតៃវ៉ាន់ និងពណ៌នាប្រទេសចិនថា ជាភាគីដែលមានកំហុស៕ ប្រែសម្រួល ឈូក បូរ៉ា
