បាងកក ៖ តុលាការធម្មនុញ្ញ របស់ប្រទេសថៃ បានប្រកាសកាលពីថ្ងៃពុធថា ខ្លួនគ្រោងនឹងកាត់ក្តីលើករណី នៃការកំណត់អាណត្តិ របស់លោក ប្រាយុទ្ធ ចាន់អូឆា ជានាយករដ្ឋមន្ត្រីនៅថ្ងៃទី៣០ ខែកញ្ញា ។
តុលាការធម្មនុញ្ញ បានឲ្យដឹងនៅក្នុង សេចក្តីថ្លែងការណ៍មួយ ចេញផ្សាយកាលពីថ្ងៃពុធថា “តុលាការមានភស្តុតាងគ្រប់គ្រាន់ ដើម្បីធ្វើសេចក្តីសម្រេច” ដោយបន្ថែមថា ការពិនិត្យត្រូវបានបញ្ចប់ ហើយតុលាការគ្រោង នឹងចេញសេចក្តីសម្រេច នៅថ្ងៃទី៣០ ខែកញ្ញា។
ការលើកឡើងនេះ ត្រូវបានចេញ បន្ទាប់ពីតុលាការ បានបើកកិច្ចប្រជុំមួយ កាលពីថ្ងៃពុធ ដើម្បីពិភាក្សា អំពីករណីនេះ នេះបើយោងតាមការចុះផ្សាយ របស់ទីភ្នាក់ងារសារព័ត៌មាន ចិនស៊ិនហួ។
កាលពីខែមុន ចៅក្រមនៃតុលាការ បានយល់ព្រមដោយសំឡេង ៥ ទល់នឹង ៤ ដើម្បីព្យួរតំណែងនាយករដ្ឋមន្ត្រី របស់លោក ប្រាយុទ្ធ ដែលចូលជាធរមាន នៅថ្ងៃទី២៤ ខែសីហា បន្ទាប់ពីញត្តិដាក់ ដោយគណបក្សប្រឆាំង សម្រាប់សេចក្តីសម្រេច អំពីពេលដែលអាណត្តិ ៨ ឆ្នាំរបស់ ប្រាយុទ្ធ គួរតែបញ្ចប់ ដែលបក្សប្រឆាំង ភាគីដែលជឿថាគួរតែបញ្ចប់គណបក្សប្រឆាំង ក៏បានជំរុញឱ្យលោក ប្រាយុទ្ធ ចុះចេញពីតំណែងផងដែរ។
ក្នុង អំឡុង ពេលនោះ ឧបនាយករដ្ឋមន្ត្រី Prawit Wongsuwon កំពុងកាន់តំណែង ជានាយករដ្ឋមន្ត្រីបណ្តោះអាសន្ន ។ លោក ប្រយុទ្ធ ត្រូវបានជ្រើសរើសជា នាយករដ្ឋមន្ត្រីបណ្តោះអាសន្ន បន្ទាប់ពីរដ្ឋប្រហារឆ្នាំ២០១៤ ហើយក្រោយមកត្រូវបានគាំទ្រ ដោយព្រះមហាក្សត្រ ជានាយករដ្ឋមន្ត្រីទី២៩ នៃប្រទេសនៅថ្ងៃទី២៤ ខែសីហាឆ្នាំ២០១៤ ។
អ្នកគាំទ្រលោក ប្រាយុទ្ធ អះអាងថា ពេលវេលាក្នុងអាណត្តិរបស់លោក គួរតែចាប់ផ្តើមនៅពេល ដែលរដ្ឋធម្មនុញ្ញឆ្នាំ២០១៧ ត្រូវបានបង្កើតឡើង ឬសូម្បីតែបន្ទាប់ពីការបោះឆ្នោតសកលឆ្នាំ២០១៩ នៅពេលដែលលោក ប្រាយុទ្ធ ត្រូវបានជ្រើសរើសជានាយករដ្ឋមន្ត្រី៕
