បរទេស៖ ប្រធានាធិបតីអ៊ុយក្រែន លោក Vladimir Zelensky បានប្រាប់ CBS News កាលពីថ្ងៃអាទិត្យថា លោកជឿថា ប្រធានាធិបតីរុស្ស៊ី លោក Vladimir Putin អាចប្រើប្រាស់អាវុធនុយក្លេអ៊ែរ។ លោក ពូទីន បាននិយាយមុននេះថា រុស្ស៊ីនឹងប្រើប្រាស់ “គ្រប់មធ្យោបាយដែលមានសម្រាប់យើង” ដើម្បីការពារទឹកដីរុស្ស៊ី។
យោងតាមសារព័ត៌មាន RT ចេញផ្សាយនៅថ្ងៃទី២៥ ខែកញ្ញា ឆ្នាំ២០២២ បានឱ្យដឹងថា លោក Zelensky បានប្រាប់ពិធីករ CBS លោកស្រី Margaret Brennan ថា “មើល ប្រហែលជាកាលពីម្សិលមិញ វាជារឿងមិនច្បាស់លាស់” ។ “ឥឡូវនេះ វាអាចក្លាយជាការពិត។”
លោក Putin ខ្លួនឯងបាននិយាយកាលពីថ្ងៃពុធថា លោកមិននិយាយកុហកទេនៅពេលដែលលោកបានព្រមានថា រុស្ស៊ីនឹងពិចារណាការពារទឹកដីរបស់ខ្លួនជាមួយនឹង “អាវុធដ៏បំផ្លិចបំផ្លាញផ្សេងៗ” ។ ទឹកដីនោះអាចរាប់បញ្ចូលទាំង Donetsk និង Lugansk សាធារណៈរដ្ឋប្រជាមានិត ក៏ដូចជាតំបន់ Zaporozhye និង Kherson ដែលបច្ចុប្បន្នការធ្វើប្រជាមតិកំពុងត្រូវបានប្រារព្ធឡើងក្នុងការចូលរួមជាមួយសហព័ន្ធរុស្ស៊ី។
មេដឹកនាំលោកខាងលិចកំពុង ជឿលោក Putin ។ អ្នកការទូតកំពូលរបស់ EU លោក Josep Borrell បាននិយាយកាលពីថ្ងៃសៅរ៍ថា “នៅពេលដែលមនុស្សនិយាយថាវាមិនមែនជាការបំភាន់ អ្នកត្រូវតែយកវា ជាការពិត” ។ ទីប្រឹក្សាសន្តិសុខជាតិអាមេរិក លោក Jake Sullivan បានប្រាប់ CBS នៅព្រឹកថ្ងៃអាទិត្យនេះថា ទីក្រុងវ៉ាស៊ីនតោន បានប្រាប់ទីក្រុងមូស្គូថា “ការប្រើប្រាស់អាវុធនុយក្លេអែរណាមួយ នឹងត្រូវជួបជាមួយនឹងផលវិបាកដ៏មហន្តរាយសម្រាប់ប្រទេសរុស្ស៊ី” ៕
ប្រែសម្រួលៈ ណៃ តុលា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
