ចិន ៖ បើយោងតាមរបាយការណ៍ ស៊ើបអង្កេតលើការវាយប្រហារ តាមអ៊ីនធើណេត នៅសាកលវិទ្យាល័យស្រាវជ្រាវ សាធារណៈដ៏លេចធ្លោមួយ របស់ប្រទេសចិនថា ទីភ្នាក់ងារសន្តិសុខជាតិ របស់សហរដ្ឋអាមេរិក បានចូលប្រើប្រាស់បណ្តាញ ទូរគមនាគមន៍ របស់ប្រទេសចិន និងបានធ្វើការសាកសួរ អំពីមនុស្សមួយចំនួន មានប្រវត្តិរសើបនាំឲ្យព័ត៌មានមួយចំនួន របស់ពួកគេត្រូវបានបែកធ្លាយ យោងតាមការចេញ ផ្សាយពីគេហទំព័រជប៉ុនធូដេ ។
សាកលវិទ្យាល័យ Northwestern Polytechnical ក្នុងទីក្រុង Xi’an ខេត្ត Shaanxi ដែលល្បីល្បាញ សម្រាប់កម្មវិធីអប់រំ និងស្រាវជ្រាវផ្នែកអាកាសយានិក អវកាសយានិក និងវិស្វកម្មបច្ចេកវិទ្យាសមុទ្រ បានប្រកាសថា ពួក Hacker នៅក្រៅប្រទេសត្រូវបានគេចាប់បានផ្ញើអ៊ីម៉ែល បន្លំជាមួយនឹងកម្មវិធី Trojan horse ទៅកាន់គ្រូបង្រៀន និងនិស្សិតនៅសាកលវិទ្យាល័យ ក្នុងគោលបំណងចង់លួចទិន្នន័យ និងព័ត៌មានផ្ទាល់ខ្លួនរបស់ពួកគេ ។
របាយការណ៍ បានចេញផ្សាយ កាលពីថ្ងៃអង្គារបាននិយាយថា ការរម្លឹកឡើងវិញ នូវលក្ខណៈបច្ចេកទេស អាវុធវាយប្រហារ និងផ្លូវដែលប្រើក្នុង ការវាយប្រហារ តាមអ៊ីនធើណេតរបស់ NSA លើសាកលវិទ្យាល័យ Northwestern Polytechnical ក្រុមអ្នកវិភាគ បានរកឃើញថា ការិយាល័យ ប្រតិបត្តិការ Tailored Access របស់ NSA បានជ្រៀត ចូលបណ្តាញរបស់ប្រតិបត្តិករទូរគមនាគមន៍ យ៉ាងហោចណាស់២នៅ ប្រទេសចិន និងបានសាងសង់បណ្តាញស្របច្បាប់ សម្រាប់ការចូលប្រើពីចម្ងាយ ទៅកាន់ទិន្នន័យស្នូល ។
បើយោងតាមរបាយការណ៍ ចេញផ្សាយដោយមជ្ឈមណ្ឌលឆ្លើយតប នឹងមេរោគកុំព្យូទ័រជាតិរបស់ប្រទេសចិន និងក្រុមហ៊ុនសន្តិសុខ អ៊ីនធើណេត 360ថា បន្ទាប់មកការិយាល័យ បានធ្វើការ សាកសួរអំពីមនុស្សមួយចំនួន ដែលមានប្រវត្តិរសើប ។ ព័ត៌មានមួយចំនួន របស់ពួកគេត្រូវបានបញ្ជូន ត្រឡប់ទៅទីស្នាក់ការកណ្តាល NSA តាមរយៈម៉ាស៊ីន មេលោតច្រើន ។
ដោយមានការគាំទ្រពីដៃគូ ក្នុងបណ្តាប្រទេសនៅអឺរ៉ុប និង អាស៊ីអាគ្នេយ៍ អ្នកវិភាគ បានរកឃើញថា ការិយាល័យក៏បានជ្រៀត ចូលបណ្តាញទូរគមនាគមន៍ នៃប្រទេសយ៉ាងហោចណាស់ ៨០ ដោយប្រើអាវុធវាយ ប្រហារតាមអ៊ីនធើណេតដូចគ្នា ។ របាយការណ៍នេះបានរៀបរាប់លម្អិត អំពីដំណើរការ នៃការជ្រៀតចូលរបស់ការិយាល័យ នៃបណ្តាញផ្ទៃក្នុង របស់សាកលវិទ្យាល័យ ។ ដំបូង វាបានប្រើ “FoxAcid” ជាវេទិកាវាយប្រហារកម្រិតមធ្យម ដើម្បីលួចចូលកុំព្យូទ័រ និង ម៉ាស៊ីនមេខាងក្នុង របស់សាកលវិទ្យាល័យ ហើយបន្ទាប់មកទទួល បានការគ្រប់គ្រងលើម៉ាស៊ីន មេសំខាន់ៗជាច្រើន ជាមួយនឹងអាវុធបញ្ជាពីចម្ងាយ ។ វាបានគ្រប់គ្រងឧបករណ៍បណ្តាញសំខាន់ៗ មួយចំនួន រួមទាំងរ៉ោតទ័រ និងកុងតាក់ខាងក្នុងរបស់សាកលវិទ្យាល័យ និងលួចទិន្នន័យផ្ទៀងផ្ទាត់ ៕
