វ៉ាស៊ីនតោន ៖ សហរដ្ឋអាមេរិក និង បណ្ដាប្រទេសកោះប៉ាស៊ីហ្វិក បានព្រមព្រៀងគ្នា ក្នុងការពង្រឹងភាព ជាដៃគូរបស់ពួកគេ នៅក្នុងកិច្ចប្រជុំកំពូល ដែលបានបញ្ចប់ កាលពីថ្ងៃព្រហស្បតិ៍ ដោយទីក្រុងវ៉ាស៊ីនតោន បានសន្យាផ្តល់ ជំនួយចំនួន ៨១០ លានដុល្លារ សម្រាប់តំបន់នេះ ខណៈដែលខ្លួនកំពុងស្វែង រកការរុញច្រានប្រឆាំង នឹងឥទ្ធិពលដែលកំពុងកើនឡើង របស់ប្រទេសចិន នៅទីនោះ។
រដ្ឋបាលសហរដ្ឋអាមេរិក របស់ប្រធានាធិបតីលោក ចូ បៃដិន ក៏បានបង្ហាញពីយុទ្ធសាស្ត្រជាតិ លើកដំបូង ដែលមិនធ្លាប់មានរបស់ខ្លួន ដែលបានឧទ្ទិសដល់ប្រជុំកោះប៉ាស៊ីហ្វិក ដែលបានព្រមានថា “សម្ពាធ និងការបង្ខិតបង្ខំសេដ្ឋកិច្ច” របស់ចិនមានសក្តានុពល ក្នុងការបំផ្លាញសន្តិភាព និងសន្តិសុខនៅក្នុងតំបន់ ។
លោក បៃដិន បានឲ្យដឹងក្នុងអំឡុង កិច្ចប្រជុំកំពូលកោះប៉ាស៊ីហ្វិក អាមេរិកលើកដំបូង នៅទីក្រុងវ៉ាស៊ីនតោនថា “ថ្ងៃនេះ សន្តិសុខនៅប៉ាស៊ីហ្វិក និងសម្រាប់ប្រជាជនកោះប៉ាស៊ីហ្វិក នៅតែមានសារៈសំខាន់ដូចពីមុន សម្រាប់យើង ហើយពិភពលោកអាស្រ័យ លើសន្តិសុខរបស់អ្នក” ។ ប្រទេសដែលរួមមាន ហ្វីជី និងកោះសាឡូម៉ូន ។
ការផ្សព្វផ្សាយនាពេលថ្មីៗ នេះរបស់ចិន ទៅកាន់មហាសមុទ្រប៉ាស៊ីហ្វិក បានធ្វើឱ្យសហរដ្ឋអាមេរិក និងសម្ព័ន្ធមិត្តមាន ការព្រួយបារម្ភ ជាពិសេសការ ចុះហត្ថលេខា លើកិច្ចព្រមព្រៀងសន្តិសុខ រវាងទីក្រុងប៉េកាំង និងកោះសូឡូម៉ុន នៅក្នុងខែមេសា ។ កិច្ចព្រមព្រៀងនេះ បានជំរុញឱ្យមានការ ព្រួយបារម្ភថា វាអាចនាំឱ្យចិន បង្កើតវត្តមានយោធា នៅក្នុងប្រជុំកោះទៅកាន់ភាគឦសាន របស់ប្រទេសអូស្ត្រាលី។
នៅក្នុងយុទ្ធសាស្ត្រភាព ជាដៃគូប៉ាស៊ីហ្វិក រដ្ឋបាល លោក បៃដិន បានបង្ហាញថា “ការប្រកួតប្រជែងភូមិសាស្ត្រនយោបាយកាន់តែកើនឡើង” បាននាំឱ្យសហរដ្ឋអាមេរិកបង្កើន “ការចូលរួមកាន់តែទូលំទូលាយ និងស៊ីជម្រៅ” ជាមួយតំបន់ទៅជាអាទិភាពគោលនយោបាយការបរទេស។
យុទ្ធសាស្ត្រនេះ បានឲ្យដឹងថា “សម្ពាធកាន់តែខ្លាំងឡើង ផលប៉ះពាល់ទាំងនោះ រួមមានសម្ពាធ និងការបង្ខិតបង្ខំសេដ្ឋកិច្ច ដោយសាធារណៈរដ្ឋ ប្រជាមានិតចិន ដែលហានិភ័យធ្វើឱ្យខូចដល់សន្តិភាព វិបុលភាព និងសន្តិសុខក្នុងតំបន់ និងដោយការពង្រីក នៃសហរដ្ឋអាមេរិក”៕
