បរទេស៖ តុលាការធម្មនុញ្ញ បានសម្រេចនៅថ្ងៃសុក្រថា អាណត្តិរបស់នាយករដ្ឋមន្ត្រី ប្រាយុទ្ធ ចានអូចា មិនទាន់ឈានដល់កម្រិតកំណត់រយៈពេល ៨ឆ្នាំ ក្រោមរដ្ឋធម្មនុញ្ញបច្ចុប្បន្ននោះទេ ហើយអាណត្តិរបស់លោក បានចាប់ផ្តើមនៅថ្ងៃទី ៦ ខែមេសា ឆ្នាំ ២០១៧ នៅពេលដែលធម្មនុញ្ញ បច្ចុប្បន្នចូលជាធរមាន។
យោងតាមសារព័ត៌មានថៃ បាងកកប៉ុស្តិ៍ ចេញផ្សាយនៅថ្ងៃទី៣០ ខែកញ្ញា ឆ្នាំ២០២២ថា តុលាការចាប់ផ្តើមអាន សេចក្តីសម្រេចនៅម៉ោង ៣ រសៀល។ វាចំណាយពេលប្រហែល 30 នាទី។
តុលាការបាននិយាយថា ការកាន់តំណែងជា នាយករដ្ឋមន្ត្រីរបស់ឧត្តមសេនីយ៍ ប្រាយុទ្ធ បានចាប់ផ្តើមនៅក្រោមរដ្ឋធម្មនុញ្ញឆ្នាំ ២០១៧ នៅថ្ងៃទី៦ ខែមេសា ឆ្នាំ ២០១៧ ដែលជាកាលបរិច្ឆេទដែល ធម្មនុញ្ញនេះត្រូវបានប្រកាសឱ្យប្រើ ហើយការដឹកនាំពីមុនរបស់លោក មិនបានអនុវត្តនៅក្រោមរដ្ឋធម្មនុញ្ញនេះទេ។
តុលាការបាននិយាយថា “អាណត្តិរបស់ជនជាប់ចោទ (នាយករដ្ឋមន្ត្រី) ចាប់ពីថ្ងៃទី ៦ ខែមេសា ឆ្នាំ ២០១៧ ដល់ថ្ងៃទី ២៤ ខែសីហា ឆ្នាំ ២០២២ មិនទាន់ដល់កម្រិតកំណត់របស់វាទេ ហើយច្បាប់របស់តុលាការ ដោយការបោះឆ្នោតភាគច្រើនថា តំណែងនាយករដ្ឋមន្ត្រីរបស់លោក ប្រាយុទ្ធ មិនបានបញ្ចប់ស្របតាមរដ្ឋធម្មនុញ្ញឆ្នាំ២០១៧ ឡើយ”។
យោងតាមសេចក្តីសម្រេច ការកំណត់រយៈពេល៨ឆ្នាំ លើការកាន់តំណែងរបស់ឧត្តមសេនីយ៍ ប្រាយុទ្ធ នឹងផុតកំណត់នៅឆ្នាំ ២០២៥៕
ប្រែសម្រួលៈ ណៃ តុលា
