បរទេស៖ នាយកប្រតិបត្តិក្រុមហ៊ុន SpaceX លោក Elon Musk បានស្តីបន្ទោសប្រទេសរុស្ស៊ី ចំពោះការធ្វើការបិទសេវាកម្ម ផ្កាយរណប Starlink របស់លោក ដែលកងកម្លាំងអ៊ុយក្រែនពឹងផ្អែកយ៉ាងខ្លាំង នៅក្នុងជម្លោះរវាង ទីក្រុងម៉ូស្គូ និងទីក្រុងគៀវ។
យោងតាមសារព័ត៌មាន RT ចេញផ្សាយនៅថ្ងៃទី១៥ ខែតុលា ឆ្នាំ២០២២ បានឱ្យដឹងថា លោក Musk បាននិយាយនៅក្នុង tweet កាលពីថ្ងៃសៅរ៍ថា “រុស្ស៊ីកំពុងព្យាយាមយ៉ាងសកម្មដើម្បីសម្លាប់ផ្កាយរណប Starlink” ។
យោងតាមមហាសេដ្ឋី គឺ SpaceX ដែលប្រតិបត្តិការសេវាកម្ម ផ្កាយរណប បាននិងកំពុងបែងចែក “ធនធានដ៏ធំ” ដើម្បីការពារវាពីការឈប់ ដំណើរការ និងការវាយប្រហារតាមអ៊ីនធឺណិត។ លោកបានព្រមានថា “ទោះបីជាដូច្នេះក៏ដោយ ក៏ Starlink នៅតែអាចស្លាប់បាន” ។
លោក Musk បានបរិច្ចាគស្ថានីយ Starlink តម្លៃ ៨០ លានដុល្លារដល់ទីក្រុងនៅដើមជម្លោះនៅចុងខែកុម្ភៈ ដោយប្រព័ន្ធនេះបានក្លាយជាឧបករណ៍ទំនាក់ទំនងដ៏សំខាន់សម្រាប់កងកម្លាំងអ៊ុយក្រែន៕
ប្រែសម្រួលៈ ណៃ តុលា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
