បរទេស៖ ក្រសួងការពារជាតិរុស្សី បាននិយាយកាលពីថ្ងៃសៅរ៍ថា យ៉ាងហោចណាស់មនុស្ស ១១ នាក់បានស្លាប់ និង ១៥នាក់បានរងរបួសនៅក្នុងការវាយប្រហារ លើកន្លែងហ្វឹកហាត់មួយ នៅក្នុងតំបន់ Belgorod របស់ប្រទេសរុស្ស៊ី ដែលមានព្រំប្រទល់ ជាប់នឹងប្រទេសអ៊ុយក្រែន។ ក្រសួងបានបន្ថែមថា ឧបទ្ទវហេតុនេះគឺជា «អំពើភេរវកម្ម»។
យោងតាមសារព័ត៌មាន RT ចេញផ្សាយនៅថ្ងៃទី១៥ ខែតុលា ឆ្នាំ២០២២ បានឱ្យដឹងថា ក្រសួងការពារជាតិបានពន្យល់ថា ជនសង្ស័យពីរនាក់ ត្រូវបានសម្លាប់នៅនឹងកន្លែងក្នុងការបាញ់តដៃ។ មន្ត្រីបានពន្យល់បន្ថែមថា ពួកគេត្រូវបានកំណត់ថាជា “ពលរដ្ឋនៃសមាជិកនៃរដ្ឋឯករាជ្យ (CIS)”។
CIS រួមមានអតីតសាធារណរដ្ឋសូវៀតភាគច្រើន លើកលែងតែរដ្ឋបាល់ទិក អ៊ុយក្រែន ហ្សកហ្ស៊ី និង ប្រទេសតូមិននីស្ថាន។ ក្រោយមកទៀតគឺជាសមាជិកសហការរបស់អង្គការ។
យោធារុស្ស៊ី មិនបានផ្តល់ព័ត៌មានលម្អិតបន្ថែម អំពីឧបទ្ទវហេតុ ឬអត្តសញ្ញាណជនវាយប្រហារនោះទេ៕ ប្រែសម្រួលៈ ណៃ តុលា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
