ប៉េកាំង៖ អ្នកនាំពាក្យរបស់ចិនដីគោក បានអំពាវនាវដល់ជនរួមជាតិតៃវ៉ាន់ ឱ្យប្រុងប្រយ័ត្នចំពោះទង្វើ របស់អាជ្ញាធរនៃគណបក្សវឌ្ឍនភាព ប្រជាធិបតេយ្យ (DPP) របស់តៃវ៉ាន់ ដើម្បីរៀបចំមូលដ្ឋាន សម្រាប់ការស្វែងរក “ឯករាជ្យភាពតៃវ៉ាន់” ។
លោក Ma Xiaoguang អ្នកនាំពាក្យការិយាល័យ កិច្ចការតៃវ៉ាន់បានឲ្យដឹងថា ប្រឆាំងនឹងការចង់បាន ដ៏ខ្លាំងក្លារបស់ប្រជាជន សម្រាប់ជីវិតសន្តិភាព និងស្ថិរភាព អាជ្ញាធរ DPP បាននិងកំពុងរៀបចំយ៉ាងក្លៀវក្លា និងបញ្ចុះបញ្ចូលឱ្យមានអ្វីដែលហៅថា “ការធ្វើប្រជាមតិ” ស្តីពីការកែប្រែរដ្ឋធម្មនុញ្ញ។
លោក Ma បានកត់សម្គាល់ថា គោលដៅចុងក្រោយរបស់ពួកគេ គឺដើម្បីត្រួសត្រាយផ្លូវ សម្រាប់ការរៀបចំបន្ថែមទៀតនៃ “វិសោធនកម្មរដ្ឋធម្មនុញ្ញ” ដើម្បីស្វែងរក “ឯករាជ្យភាពតៃវ៉ាន់” នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ ។
គ្រប់ផ្នែកទាំងអស់នៃសង្គម តៃវ៉ាន់គួរតែយល់យ៉ាងច្បាស់ ពីចេតនាទុច្ចរិតរបស់អាជ្ញាធរ DPP ប្រុងប្រយ័ត្នខ្ពស់អំពីផលវិបាកធ្ងន់ធ្ងរ ដែលការប៉ុនប៉ងនេះអាចនាំមកនូវ និងការពារសន្តិភាព និងស្ថិរភាពនៅទូទាំងច្រកសមុទ្រតៃវ៉ាន់ ព្រមទាំងផលប្រយោជន៍ និងផលប្រយោជន៍របស់ពួកគេ ដោយសកម្មភាពជាក់ស្តែង ៕
ប្រែសម្រួល ឈូក បូរ៉ា
