វ៉ាស៊ីនតោន ៖ ទូរទស្សន៍សិង្ហបុរី Channel News Asia បានផ្សព្វផ្សាយនៅថ្ងៃទី៨ ខែវិច្ឆិកា ឆ្នាំ២០២២ថា លោក Elon Musk ជាមហាសេដ្ឋី និងជាម្ចាស់ថ្មី គ្រប់គ្រងបណ្តាញ សង្គម Twitter កាលពីថ្ងៃចន្ទ បានអំពាវនាវ ឱ្យអ្នកបោះឆ្នោត អាមេរិក ទំាងឡាយបន្តគាំទ្រ ដល់បេក្ខជនគណបក្ស សាធារណរដ្ឋ នៅមុនការបោះឆ្នោត ពាក់កណ្តាលអាណត្តិ ។
លោក Musk បានសរសេរ នៅលើបណ្តាញសង្គម Twitter ទៅកាន់អ្នកគាំទ្រ ចំនួន១១៤លាននាក់របស់គាត់ថា “អំណាចរួមគ្នាទប់ស្កាត់ការលើស ដ៏អាក្រក់បំផុត របស់គណបក្សទាំង២ ដូច្នេះខ្ញុំសូមផ្តល់អនុសាសន៍ឱ្យបោះឆ្នោត ឱ្យសភាសាធារណៈរដ្ឋមួយ ដោយហេតុថា ប្រធានាធិបតីគឺ ជាអ្នកប្រជាធិបតេយ្យ“ ។
“គណបក្សប្រជាធិបតេយ្យរឹងរូស ឬគណបក្សសាធារណរដ្ឋ មិនដែលបោះឆ្នោតឱ្យភាគីម្ខាងទៀតឡើយ ដូច្នេះអ្នកបោះឆ្នោតឯករាជ្យ គឺជាអ្នកដែលសម្រេចថា អ្នកណាជាអ្នកទទួលខុសត្រូវ!” ។
ការគ្រប់គ្រងរបស់ប្រធានក្រុមហ៊ុន Tesla សរសេរនៅលើបណ្តាញ Twitter ដែលជាវេទិកាឈានមុខគេមួយ របស់ពិភពលោក សម្រាប់សុន្ទរកថា និងសកម្មភាព បានជំរុញឱ្យមានការព្រមាន អំពីអព្យាក្រឹតភាពនយោបាយរបស់ខ្លួន ។
លោក Musk បានបង្ហាញថា លោកមានគម្រោង ដកបម្រាមលើអតីតប្រធានាធិបតី ដូណាល់ ត្រាំ ទោះបីជាមិនមែនមុន ពេលការបោះឆ្នោត ពាក់កណ្តាលអាណត្តិ នៅថ្ងៃអង្គារនេះក៏ដោយ ។
លោក ត្រាំ ត្រូវបានហាមឃាត់ ចំពោះការចោទប្រកាន់ថា បានញុះញង់ឱ្យមានការ វាយប្រហារកាលពីឆ្នាំមុន នៅកាពីតូល ដោយក្រុមមនុស្សបង្កហឹង្សា ដែលស្វែងរកការផ្តួលរំលំលទ្ធផល នៃការបោះឆ្នោតប្រធានាធិបតីឆ្នាំ២០២០ ៕
