ម៉ូស្គូ ៖ ប្រធានាធិបតីរុស្ស៊ីលោក វ្ល៉ាឌីមៀ ពូទីន នឹងមិនចូលរួមកិច្ចប្រជុំកំពូល G20 នៅប្រទេសឥណ្ឌូនេស៊ី នៅសប្តាហ៍ក្រោយនោះទេ ជំនួសមកវិញ ដោយបញ្ជូនរដ្ឋមន្ត្រីការបរទេស របស់លោក ទៅតំណាងទីក្រុងម៉ូស្គូ។
មន្ត្រីឥណ្ឌូណេស៊ី បានឲ្យដឹងនៅថ្ងៃព្រហស្បតិ៍នេះថា លោក Sergey Lavrov នឹងដឹកនាំគណៈប្រតិភូរុស្ស៊ី ខណៈដែលលោក ពូទីន ជៀសវាងការប្រឈមមុខដាក់គ្នា ខាងនយោបាយ ដែលអាចកើតមានជុំវិញ សង្រ្គាមបន្ត របស់លោកនៅក្នុងប្រទេស អ៊ុយក្រែន។
ប្រធានក្រុមគាំទ្រ G20 លោក Luhut Binsar Pandjaitan បានលើកឡើងថា “រដ្ឋាភិបាលឥណ្ឌូនេស៊ី គោរពការសម្រេចចិត្ត របស់រដ្ឋាភិបាលរុស្ស៊ី ដែលលោកប្រធានាធិបតី ពូទីន ផ្ទាល់បានពន្យល់ ពីមុនមក ទៅកាន់លោកប្រធានាធិបតី ចូកូ វីដូដូ ក្នុងការសន្ទនា តាមទូរស័ព្ទប្រកប ដោយភាពរួសរាយរាក់ទាក់” ។
វានឹងជាលើកទីមួយហើយ ដែលលោក ពូទីន និងប្រធានាធិបតីអាមេរិកលោក ចូ បៃដិន បានចូលរួមក្នុងព្រឹត្តិការណ៍ដូចគ្នា ចាប់តាំងពីរុស្ស៊ី បានឈ្លានពានប្រទេសជិតខាងក្នុងខែកុម្ភៈ ។
លោក បៃដិន បានច្រានចោលការជួបជាមួយលោក ពូទីន ដែលលោក បានហៅថាជា “ឧក្រិដ្ឋជនសង្គ្រាម” ប្រសិនបើលោក ចូលរួមកិច្ចប្រជុំកំពូល រយៈពេលពីរថ្ងៃ ដែលនឹងចាប់ផ្តើមនៅថ្ងៃទី១៥ ខែវិច្ឆិកាខាងមុខនេះ៕
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
