បរទេស៖ កាសែត Washington Post បានរាយការណ៍នៅមុនថ្ងៃ នៃកិច្ចប្រជុំទល់មុខគ្នាដែល គ្រោងទុករបស់ប្រធានាធិបតី Joe Biden ជាមួយសមភាគីចិនលោក Xi Jinping ថា សមាជិកសភាអាមេរិកកំពុងស្វែងរក ការបញ្ជូនសព្វាវុធកាន់ តែច្រើនឱ្យកោះតៃវ៉ាន់ និងការហ្វឹកហ្វឺនយោធាឱ្យបានច្រើន តាមដែលអាចធ្វើទៅបាន។
យោងតាមសារព័ត៌មាន RT ចេញផ្សាយនៅថ្ងៃទី១៤ ខែវិច្ឆិកា ឆ្នាំ២០២២ បានឱ្យដឹងថា កាសែតបានសរសេរកាលពីថ្ងៃអាទិត្យ ដោយស្រង់សម្តីមន្រ្តីអាមេរិកថា ប្រសិនបើទទួលបានជោគជ័យ កិច្ចខិតខំប្រឹងប្រែងទ្វេភាគី នឹងអនុញ្ញាតឱ្យមន្ទីរបញ្ចកោណ អាចទាញយកស្តុកអាវុធរបស់ខ្លួន រួមទាំងប្រព័ន្ធកាំជ្រួចប្រភេទ Javelin និង Stinger ដើម្បីពន្លឿនការកសាងយោធានៅកោះតៃវ៉ាន់ ។ ទោះជាយ៉ាងណាក៏ដោយ របាយការណ៍បានកត់សម្គាល់ថា ការយល់ព្រមសម្រាប់ជំនួយផ្នែកយោធា ដែលផ្តល់មូលនិធិដោយ អ្នកបង់ពន្ធដល់ទីក្រុងតៃប៉ិ ប្រហែលជាមានការគាំទ្រពីលោក Biden ដែលបានសន្យាថានឹង “ស្វែងយល់ថាតើបន្ទាត់ក្រហម” ក្នុងអំឡុងពេលកិច្ចប្រជុំរបស់លោក ជាមួយលោក Xi នៅថ្ងៃចន្ទនៅប្រទេសឥណ្ឌូនេស៊ី។
សមាជិកសភាដែលគាំទ្រ កិច្ចខិតខំប្រឹងប្រែងនេះទំនងជាសង្ឃឹមថា នឹងជៀសវាងការកើតឡើង ម្តងទៀតនៃជម្លោះរុស្ស៊ី – អ៊ុយក្រែន។ តំណាងលោក Mike Gallagher តំណាងរាស្រ្តរដ្ឋ Wisconsin បានប្រាប់ Washington Post ថា “មេរៀនមួយក្នុងចំណោមមេរៀន របស់អ៊ុយក្រែនគឺថា អ្នកត្រូវបំពាក់អាវុធដល់ដៃគូរបស់អ្នក មុនពេលការបាញ់ប្រហារចាប់ផ្តើម ហើយវាផ្តល់ឱ្យអ្នកនូវឱកាសដ៏ល្អបំផុត របស់អ្នកក្នុងការជៀសវាង សង្រ្គាមនៅកន្លែងដំបូង” ៕
ប្រែសម្រួលៈ ណៃ តុលា
