វ៉ាស៊ីនតោន៖ CNN បានរាយការណ៍ឲ្យដឹងថា សហរដ្ឋអាមេរិក កំពុងស្ថិតក្នុងកម្រិតទាបលើអាវុធ និងគ្រាប់រំសេវមួយចំនួន ដែលខ្លួនត្រូវបានបញ្ជូន ទៅកាន់ប្រទេសអ៊ុយក្រែន ចំពេលមានជម្លោះយោធា ចុងក្រោយជាមួយរុស្ស៊ី។
សារព័ត៌មានបានដកស្រង់សម្តី មន្ត្រីអាមេរិកម្នាក់ដែលមាន ចំណេះដឹងផ្ទាល់អំពីបញ្ហានេះ ដោយលើកឡើងថា ស្តុកទុកនៃប្រព័ន្ធមួយចំនួនកំពុង “ធ្លាក់ចុះ” ដោយសារតែមានចំនួនកំណត់ នៃស្តុកលើសដែលអាចរកបាន សម្រាប់សហរដ្ឋអាមេរិក ដើម្បីបញ្ជូនទៅអ៊ុយក្រែន។
ក្នុងចំណោមប្រព័ន្ធសព្វាវុធ ដែលចំនួននៃការព្រួយបារម្ភ ជាពិសេសគឺគ្រាប់កាំភ្លើងធំ 155 មីលីម៉ែត្រ និងកាំជ្រួចប្រឆាំងយន្តហោះ Stinger នេះបើយោងតាមសារព័ត៌មាន CNN ។
របាយការណ៍នេះបានឲ្យដឹងថា ការជូនដំណឹងក៏ត្រូវបានបន្លឺឡើង អំពីបញ្ហាផលិតកម្មដែល ពាក់ព័ន្ធនឹងធាតុដូចជា HARMs កាំជ្រួចប្រឆាំងវិទ្យុសកម្ម កាំជ្រួច GMLRS ពីដីទៅដី និងមីស៊ីលចល័តប្រឆាំងរថក្រោះ Javelin ។
រដ្ឋបាលសហរដ្ឋអាមេរិក ឥឡូវនេះពឹងផ្អែកជាចម្បងលើបណ្តាញចំនួនពីរ ដើម្បីបញ្ជូនអាវុធចូលទៅក្នុងអ៊ុយក្រែន មួយតាមរយៈអាជ្ញាធរ ដែលទាញយកដោយផ្ទាល់ទៅក្នុងឃ្លាំងអាវុធ ដែលមានស្រាប់របស់ក្រសួងការពារជាតិ (DoD) មួយទៀតដោយការទិញអាវុធបន្ថែម ពីឧស្សាហកម្មដោយប្រើប្រាស់ថវិកា ដែលសភាសមស្រប សម្រាប់គំនិតផ្តួចផ្តើមជំនួយ សន្តិសុខអ៊ុយក្រែនរបស់ DoD ។
យោងតាមសេចក្តីប្រកាសចុងក្រោយរបស់ DoD សហរដ្ឋអាមេរិក បានសន្យាផ្តល់ជំនួយផ្នែកសន្តិសុខជាង ១៩,៣ពាន់លានដុល្លារដល់អ៊ុយក្រែន ចាប់តាំងពីការចាប់ផ្តើមនៃ រដ្ឋបាលលោក ចូ បៃដិន។
ឥឡូវនេះជាមួយនឹង គណបក្សសាធារណៈរដ្ឋ បានកាន់កាប់សភាតំណាងរាស្រ្តឡើងវិញ មានការយល់ដឹងកាន់តែខ្លាំងឡើងថា សភាជាន់ទាបដែលដឹកនាំដោយ GOP នឹងពិនិត្យយ៉ាងតឹងរ៉ឹងបន្ថែមទៀត អំពីជំនួយដល់អ៊ុយក្រែន ៕
ប្រែសម្រួល ឈូក បូរ៉ា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
