បរទេស៖ មន្ត្រីការពារជាតិជាន់ខ្ពស់អាមេរិក បាននិយាយកាលពីថ្ងៃអង្គារថា សហរដ្ឋអាមេរិក និងចិនកំពុងសម្លឹងមើលការស្តារឡើងវិញ នូវខ្សែទូរស័ព្ទបន្ទាន់យោធា ដែលនៅស្ងៀមយូរ ដើម្បីការពារភាពតានតឹង នៅឥណ្ឌូប៉ាស៊ីហ្វិក ពីការរីករាលដាលទៅជាសង្រ្គាមក្តៅ, នេះបើតាមមន្ត្រីការពារជាតិ ជាន់ខ្ពស់សហរដ្ឋអាមេរិក បាននិយាយកាលពីថ្ងៃអង្គារ បន្ទាប់ពីរដ្ឋមន្ត្រីការពារជាតិអាមេរិក Lloyd Austin និងសមភាគីចិនគឺលោក Wei Fenghe បានពិភាក្សាគ្នាអស់រយៈពេលជាងមួយម៉ោង នៅក្រៅកិច្ចប្រជុំរដ្ឋមន្ត្រីការពារជាតិនៃសមាគមប្រជាជាតិអាស៊ីអាគ្នេយ៍ នៅខេត្តសៀមរាប ប្រទេសកម្ពុជា។
យោងតាមសារព័ត៌មាន Foreign Policy ចេញផ្សាយកាលពីថ្ងៃទី២២ ខែវិច្ឆិកា ឆ្នាំ២០២២ បានឱ្យដឹងថា ជំនួបរវាងរដ្ឋមន្រ្តីការពារជាតិ ប្រទេសមហាអំណាចទាំងពីរ ដែលជាលើកទីពីរក្នុងរយៈពេល ត្រឹមតែប្រាំមួយខែ បានកើតឡើងបន្ទាប់ពីប្រទេសចិន បានលុបចោលការហៅទូរស័ព្ទ រវាងមេបញ្ជាការយោធាកំពូល នៅក្នុងតំបន់ចំពេលមានសមយុទ្ធ ទ្រង់ទ្រាយធំលើកោះតៃវ៉ាន់ ដែលគេបានឃើញកងទ័ពរំដោះប្រជាជន បានបាញ់មីស៊ីលលើកោះដែលកំពុងប្រយុទ្ធ និងកំណត់ត្រាឆាកនៃការលុកលុយ តាមអាកាសនៅប៉ុន្មានថ្ងៃបន្ទាប់ពី ប្រធានសភារបស់អាមេរិកលោកស្រី Nancy Pelos ដែលជាអ្នកទី២ បន្ទាប់ពីប្រធានាធិបតីអាមេរិក បានធ្វើទស្សនកិច្ចនៅកោះនេះ។
មន្ត្រីការពារជាតិអាមេរិកជាន់ខ្ពស់ម្នាក់ បានប្រាប់អ្នកយកព័ត៌មានថា “PRC [សាធារណៈរដ្ឋប្រជាមានិតចិន] បានប្រើប្រាស់ជាប្រវត្តិសាស្ត្រ ជាគន្លឹះនយោបាយ ដើម្បីទំនាក់ទំនងការមិនពេញចិត្ត ជាមួយនឹងសកម្មភាព និងគោលនយោបាយរបស់សហរដ្ឋអាមេរិក” ។ បន្ទាប់ពីកិច្ចប្រជុំរយៈពេល ៩០ នាទី ដែលភាគីអាមេរិកបានពណ៌នាថា “ប្រកបដោយសុជីវធម៌ និងប្រកបដោយវិជ្ជាជីវៈ”។
សហរដ្ឋអាមេរិក និងចិន ជាធម្មតាធ្វើកិច្ចសន្ទនា គោលនយោបាយប្រចាំឆ្នាំ រួមទាំងការពិភាក្សាដែលហៅថា ការសម្របសម្រួលគោល នយោបាយការពារជាតិ។ ការពិភាក្សាកម្រិតខ្ពស់អំពីទំនាក់ទំនង យោធាអាមេរិក-ចិន; និងការពិភាក្សាអំពីសុវត្ថិភាព ក្រោមកិច្ចព្រមព្រៀងពិគ្រោះយោបល់ ដែនសមុទ្រយោធា ដែលប្រទេសចិនបានលុបចោលនៅឆ្នាំ ២០២២ ខណៈដែលភាពតានតឹង បានផ្ទុះឡើងរវាងមហាអំណាចទាំងពីរ។ ប្រទេសចិនក៏បានលុបចោលការហៅ ទូរស័ព្ទរវាងមន្ត្រីយោធាកំពូល របស់ខ្លួនសម្រាប់តំបន់ និងប្រធានទីបញ្ជាការឥណ្ឌូប៉ាស៊ីហ្វិក របស់សហរដ្ឋអាមេរិក John Aquilino ចំពេលមានវិបត្តិដែលកើតឡើង បន្ទាប់ពីដំណើរទស្សនកិច្ចរបស់លោកស្រី Pelosi ដោយបង្កើតការភ័យខ្លាចថាតើ ទីក្រុងប៉េកាំងនឹងឆ្លើយទូរស័ព្ទ ក្នុងវិបត្តិយោធាពិតប្រាកដដែរឬទេ ៕
ប្រែសម្រួលៈ ណៃ តុលា
