អង់ការ៉ា ៖ ប្រធានាធិបតីតួកគីលោក Recep Tayyip Erdogan បានឲ្យដឹងថា ប្រទេសទួកគី នឹងបើកប្រតិបត្តិការជើងគោកមួយ ចូលទៅក្នុងភាគខាងជើងប្រទេសស៊ីរី ” នៅពេលដ៏ងាយស្រួលបំផុត” ដើម្បីសាងសង់ ទីតាំងសន្តិសុខ។
លោក Erdogan បានប្រាប់សមាជិកសភាថា “ការប្តេជ្ញាចិត្តរបស់យើង ក្នុងការធានាបាននូវព្រំដែន ភាគខាងត្បូងរបស់យើងទាំងអស់ ពីខេត្ត Hatay ដល់ខេត្ដ Hakkari ជាមួយនឹងបន្ទះសន្តិសុខ គឺរឹងមាំជាងពេលមុនៗ។ យើងបានបង្កើតឡើងផ្នែក នៃបន្ទះនេះរួចហើយជាមួយ នឹងប្រតិបត្តិការឆ្លងព្រំដែន”។
ប្រធានាធិបតីតួកគីបានប្តេជ្ញាកម្ចាត់ធាតុនៃអង្គភាព ការពារប្រជាជនឃឺដ (YPG) នៅតំបន់ Tell Rifaat, Manbij និង Ayn al-Arab នៅភាគខាងជើងប្រទេសស៊ីរី ដើម្បីបញ្ចប់តំបន់សុវត្ថិភាព ដែលនៅសល់។
លោកបានបន្ថែមថា កងកម្លាំងប្រដាប់អាវុធ ទួកគីប្តេជ្ញាអនុវត្ត “សកម្មភាពចាំបាច់ដើម្បីអនុវត្ត” យុទ្ធសាស្ត្រនេះ ក្នុងការលុបបំបាត់ការគំរាមកំហែង ឆ្លងកាត់ព្រំដែនរបស់ប្រទេសតួកគី។
លោក Erdogan បានបន្ដថា “ខណៈដែលយើងបន្ត ប្រតិបត្តិការ លើអាកាសរបស់យើង ដោយគ្មានការរំខាន យើងនឹងជិះពីលើពួកភេរវក នៅលើដីនៅពេលដ៏ងាយ ស្រួលបំផុត សម្រាប់យើង”។
លោកបានសង្កត់ធ្ងន់ថា រដ្ឋាភិបាលអ៊ីរ៉ាក់ និងស៊ីរីមិនគួរត្រូវបានរំខាន ដោយប្រតិបត្តិការតួកគីនៅ កន្លែងទាំងនោះឡើយ ដោយលោកបានបន្ថែមថា តួកគី នឹងធានាដល់ការការពារបូរណភាពទឹកដី នៃប្រទេសអ៊ីរ៉ាក់ និងស៊ីរី ៕
