បរទេស៖ ប្រធានាធិបតីអ៊ុយក្រែនលោក Volodymyr Zelensky កាលពីថ្ងៃម្សិលមិញនេះ បានធ្វើការលើកឡើងថា លោកសង្ឃឹមយ៉ាងមុតម៉ាំថា សង្គ្រាមរវាងអ៊ុយក្រែននិងរុស្សី នឹងអាចបញ្ចប់ទៅក្នុងរយៈពេលប៉ុន្មានខែ ខាងមុខនេះជាមិនខាន។
លោកបានបន្តថា៖ សង្គ្រាមនឹងត្រូវបញ្ចប់នៅពេលអ៊ុយក្រែន ទទួលបានជ័យជំនះ ឬនៅពេលដែលសហព័ន្ធរុស្ស៊ី នឹងចង់បានតែពេលដែលខ្លួនដឹងថាខ្លួនខ្សោយ ឯកោ និងគ្មានដៃគូ។ ពួកយើងសង្ឃឹមថា វានឹងអាចបញ្ចប់ ទៅឆាប់ៗនេះក្នុងរយៈពេល ប៉ុន្មានខែខាងមុខនេះ។
ទោះបីជាយ៉ាងណាក្តីលោក Zelenskyy បានសង្កត់ធ្ងន់ថា ប្រសិនបើអ៊ុយក្រែនមិនតស៊ូទេ សង្រ្គាមនេះនឹងអាចប្រាកដ ជារីករាលដាល ទៅកាន់ទឹកដីប្រទេសជិតខាង ផ្សេងទៀតជាមិនខាន។ប្រទេសអ៊ុយក្រែនបានបូជា ពលរដ្ឋរបស់ខ្លួនជាច្រើន ដើម្បីសង្គ្រាមនេះ ៕
ប្រែសម្រួល៖ ស៊ុន លី
