បរទេស៖ រដ្ឋមន្ត្រីការពារជាតិលោក Pol Jonson បាននិយាយកាលពីថ្ងៃអាទិត្យថា ប្រទេសស៊ុយអែតមិនមានបំណង ផ្តល់ឱ្យអ៊ុយក្រែននូវយន្តហោះចម្បាំងទំនើប Saab JAS 39 Gripen របស់ខ្លួននោះទេ, ទីក្រុងគៀវធ្លាប់បាននិយាយថា ខ្លួនចង់បានយន្តហោះទំនើប ពីអ្នកគាំទ្រលោកខាងលិច រួមទាំងពីទីក្រុង Stockholm ផងដែរ។
យោងតាមសារព័ត៌មាន RT ចេញផ្សាយនៅថ្ងៃទី១២ ខែធ្នូ ឆ្នាំ២០២២ បានឱ្យដឹងថា ថ្លែងនៅក្នុងសន្និសីទសារព័ត៌មាន រួមគ្នាជាមួយសមភាគីអ៊ុយក្រែនលោក Aleksey Reznikov នៅទីក្រុង Odessa លោក Jonson ត្រូវបានស្នើសុំឱ្យធ្វើអត្ថាធិប្បាយ ថាតើយន្តហោះចម្បាំង Gripen អាចត្រូវបានប្រើប្រាស់ ដោយរដ្ឋាភិបាលទីក្រុងគៀវ ក្នុងជម្លោះរបស់ខ្លួនជាមួយ ទីក្រុងម៉ូស្គូដែរឬទេ។
![](https://dap-news.com/wp-content/uploads/2022/12/photo_2022-12-13_09-53-02.jpg)
រដ្ឋមន្ត្រីការពារជាតិស៊ុយអែត លោក Pol Jonson បាននិយាយថា “មិនមានផែនការដែលជិតមកដល់ សម្រាប់ការបញ្ជូនយន្ដហោះ Gripen ទៅអ៊ុយក្រែន នោះទេ។ ខ្ញុំចង់បញ្ជាក់ឱ្យច្បាស់អំពីរឿងនោះ ប៉ុន្តែខ្ញុំគិតថាវាជាយន្តហោះដ៏ល្អមួយ» គាត់បាននិយាយដោយរំឭកអ្នករាល់គ្នាថា ប្រទេសសហភាពអឺរ៉ុបមួយចំនួន កំពុងប្រតិបត្តិការយន្តហោះប្រភេទនេះ ៕
ប្រែសម្រួលៈ ណៃ តុលា
![](https://dap-news.com/wp-content/uploads/2020/08/1-1.png)