តៃប៉ិ៖ ទូរទស្សន៍សិង្ហបុរី Channel News Asia បានផ្សព្វផ្សាយនៅថ្ងៃទី១៣ ខែធ្នូ ឆ្នាំ២០២២ថា ប្រទេសចិន បានបញ្ជូនយន្តហោះទម្លាក់គ្រាប់បែក ដែលមានសមត្ថភាពនុយក្លេអ៊ែរ ចំនួន១៨គ្រឿង ចូលទៅក្នុងតំបន់ការពារដែនអាកាស របស់កោះតៃវ៉ាន់ ត្រឹមតែប៉ុន្មានថ្ងៃបន្ទាប់ពីទីក្រុងប៉េកាំង បានហាមឃាត់ការនាំចូលតៃវ៉ាន់ បន្ថែមទៀត នៅក្នុងសញ្ញាចុងក្រោយ នៃទំនាក់ទំនងកាន់តែយ៉ាប់យ៉ឺនទៅ ។
កោះតៃវ៉ាន់ ដែលមានប្រជាធិបតេយ្យ រស់នៅក្រោមការគំរាមកំហែង ឥតឈប់ឈរ នៃការឈ្លានពានរបស់ប្រទេសចិន ដែលមើលឃើញកោះ ដែលគ្រប់គ្រងដោយខ្លួនឯង ជាផ្នែកនៃទឹកដីរបស់ខ្លួននឹងត្រូវដណ្តើមយក មកវិញនៅថ្ងៃណាមួយ ។
គេបានដឹងថា ក្រុងប៉េកាំងបានបង្កើនសម្ពាធផ្នែកយោធា ការទូត និងសេដ្ឋកិច្ចចាប់តាំងពីការបោះឆ្នោតឆ្នាំ២០១៦ របស់ប្រធានាធិបតីកោះតៃវ៉ាន់ លោកស្រី Tsai Ing-wen ដែលបានបដិសេធជំហររបស់ខ្លួនដែលថា កោះនេះជាផ្នែករបស់ប្រទេសចិន ។
នៅក្នុងការកែសម្រួលព័ត៌មានប្រចាំថ្ងៃនៅព្រឹកថ្ងៃអង្គារនេះ ក្រសួងការពារជាតិកោះតៃវ៉ាន់បានថ្លែងថា យន្តហោះចំនួន២១ គ្រឿងបានចូលទៅក្នុងតំបន់កំណត់អត្តសញ្ញាណការពារដែនអាកាសភាគនិរតី ហៅ (ADIZ) របស់កោះក្នុងរយៈពេល២៤ ម៉ោងចុងក្រោយនេះ រួមទាំងយន្តហោះទម្លាក់គ្រាប់បែក H-6 ដែលមានសមត្ថភាពនុយក្លេអ៊ែរចំនួន១៨គ្រឿង ៕
ដោយ៖ ម៉ៅ បុប្ផាមករា
