បរទេស៖ យន្តហោះទម្លាក់គ្រាប់បែកនុយក្លេអ៊ែរ បំបាំងកាយរបស់កងទ័ពអាកាសអាមេរិក ដែលត្រូវបានភ្លើងឆាបឆេះកាលពីថ្ងៃសៅរ៍ បន្ទាប់ពីបានបង្ខំឱ្យចុះចតជាបន្ទាន់ ក្នុងរដ្ឋ Missouri ដោយសារបញ្ហាបច្ចេកទេស។
យោងតាមសារព័ត៌មាន RT ចេញផ្សាយនៅថ្ងៃទី១៣ ខែធ្នូ ឆ្នាំ២០២២ បានឱ្យដឹងដោយយោងតាម សេចក្តីថ្លែងការណ៍របស់កងទ័ពអាកាសអាមេរិកថា យន្តហោះ B-2 Spirit បានចុះចតនៅឯមូលដ្ឋានទ័ពអាកាស Whiteman ហើយបានរងការខូចខាតនៅលើផ្លូវរត់ បន្ទាប់ពីបានជួបប្រទះ “ដំណើរការខុសប្រក្រតីក្នុងជើងហោះហើរ កំឡុងពេលប្រតិបត្តិការជាប្រចាំ” ។ មានភ្លើងឆេះជាមួយនឹងយន្តហោះ បន្ទាប់ពីចុះចត ហើយនាយកដ្ឋានពន្លត់អគ្គីភ័យ មូលដ្ឋានបានពន្លត់ភ្លើង”។
មិនមានរបាយការណ៍ ពីការរងរបួសពីឧបទ្ទវហេតុនោះទេ ហើយដំណើរការរកមូលហេតុគឺកំពុងស្ថិតក្រោមការស៊ើបអង្កេត។ រូបភាពមួយសន្លឹក ដែលត្រូវបានគេអះអាងថាមកពីកន្លែងកើតហេតុ ដូចដែលបានផ្សាយដោយ KMBC-TV ដែលជាសាខារបស់ ABC News នៅទីក្រុង Kansas រដ្ឋ Missouri ហាក់ដូចជាបង្ហាញផ្សែងហុយ ចេញពីកន្លែងចុះចតរបស់យន្តហោះ។ ការបាញ់ប្រហារមួយទៀត ទំនងជាបង្ហាញពីយន្តហោះទម្លាក់គ្រាប់បែកនេះ ថតលើដី ដោយមិនមានឧបករណ៍ចុះចត ហើយមានផ្សែងហុយចេញពីក្រោយយន្តហោះ៕ប្រែសម្រួលៈ ណៃ តុលា
