ព្រុចសែល៖ មេដឹកនាំអឺរ៉ុប កាលពីថ្ងៃព្រហស្បតិ៍ បានផ្តល់ការយល់ព្រមរបស់ពួកគេ ចំពោះកញ្ចប់ទណ្ឌកម្មទី៩ ប្រឆាំងនឹងរុស្ស៊ី បន្ទាប់ពីកិច្ចប្រជុំកំពូល នេះបើយោងតាមការ ចុះផ្សាយរបស់ទីភ្នាក់ងារ សារព័ត៌មានចិនស៊ិនហួ ។
ក្រុមប្រឹក្សាអឺរ៉ុប បានឲ្យដឹងនៅក្នុងសេចក្តីប្រកាស ចុងក្រោយរបស់ខ្លួន នៃកិច្ចប្រជុំកំពូលថា មេដឹកនាំបានពិភាក្សា អំពីរបៀបបង្កើនសម្ពាធ សមូហភាពបន្ថែមទៀតលើរុស្ស៊ី ដើម្បីបញ្ចប់ប្រតិបត្តិការ យោធារបស់ខ្លួន និងដកទ័ពចេញពីអ៊ុយក្រែន ។
ពួកគេបានឲ្យដឹងថា ពួកគេស្វាគមន៍ ការពង្រឹងវិធានការរឹតត្បិត របស់សហភាពអឺរ៉ុប ប្រឆាំងនឹងរុស្ស៊ី រួមទាំងតាមរយៈកញ្ចប់វិធានការ រឹតបន្តឹងទីប្រាំបួនរបស់អឺរ៉ុប និងតម្លៃប្រេងអន្តរជាតិ ខណៈដែលធានាបាន នូវកម្រិតពិភពលោក។
មេដឹកនាំបានឲ្យដឹង នៅក្នុងសេចក្តីសន្និដ្ឋាននៃកិច្ចប្រជុំថា “សហភាពអឺរ៉ុប បានត្រៀមខ្លួន រួចជាស្រេចដើម្បីបន្តពង្រឹង វិធានការរឹតត្បិត។ កញ្ចប់ជំនួយហិរញ្ញវត្ថុ ១៩ ពាន់លានអឺរ៉ូ (១៩,១ ពាន់លានដុល្លារ) ដើម្បីជួយអ៊ុយក្រែន ក៏ស្ថិតនៅក្នុងរបៀបវារៈដែរ ប៉ុន្តែបញ្ហាមិនត្រូវបានបំភ្លឺ ដោយមេដឹកនាំនោះទេ ៕
