កូឡុំបូ ៖ រដ្ឋមន្ត្រីក្រសួងថាមពល និងថាមពលស្រីលង្កា លោក Kanchana Wijesekera បានឲ្យដឹងថា ប្រទេសអាស៊ីខាងត្បូង កំពុងពិភាក្សាអំពីកិច្ចសហប្រតិបត្តិការ ថាមពលនុយក្លេអ៊ែរ ជាមួយរុស្ស៊ី។
លោករដ្ឋមន្ត្រីបានលើកឡើងថា លោកបានជួបជាមួយឯកអគ្គរដ្ឋទូតរុស្ស៊ី ប្រចាំប្រទេសស្រីលង្កា Levan Dzhagaryan នៅព្រឹកថ្ងៃព្រហស្បតិ៍ ម្សិលមិញនេះ ហើយបានពិភាក្សាអំពីតម្រូវការ នៃវិស័យថាមពល របស់ប្រទេសស្រីលង្កា។
លោកបានលើកឡើងថា “យើងបានពិភាក្សា អំពីកិច្ចសហប្រតិបត្តិការ លើតម្រូវការប្រេងឥន្ធនៈ ប្រតិបត្តិការរោងចក្រចម្រាញ់ប្រេង បញ្ហាប្រឈមក្នុងការផ្គត់ផ្គង់ធ្យូងថ្ម និងអនុស្សរណៈ នៃការយោគយល់ ដែលបានចុះហត្ថលេខា សម្រាប់កិច្ចសហប្រតិបត្តិការ ថាមពលនុយក្លេអ៊ែរ ជាមួយក្រុមហ៊ុន Rosatom” ។
ក្រុមហ៊ុន Rosatom គឺជាសាជីវកម្មគ្រប់គ្រង ដោយរដ្ឋរបស់រុស្ស៊ី ដែលមានឯកទេសខាង ថាមពលនុយក្លេអ៊ែរ ទំនិញគ្មានថាមពលនុយក្លេអ៊ែរ និងផលិតផលបច្ចេកវិទ្យាខ្ពស់ នេះបើយោងតាមរដ្ឋមន្ត្រី ។
លោកបានបន្ដថា រុស្ស៊ី អាចជួយដោះស្រាយបញ្ហា ថាមពលជាច្រើនរបស់ប្រទេសស្រីលង្កា ។ រដ្ឋមន្ត្រីបានបន្ថែមថា “ប្រទេសស្រីលង្កា បានតស៊ូជាមួយនឹងការធានា ការផ្គត់ផ្គង់ថាមពលនៅដើមឆ្នាំនេះ។ យើងកំពុងស្វែងរកយ៉ាង សកម្មនូវកិច្ចសហប្រតិបត្តិការ ថាមពលជាមួយប្រទេសដទៃទៀត ហើយប្រទេសរុស្ស៊ី អាចដើរតួយ៉ាងសំខាន់”៕
