ចិន ទទួលបានជោគជ័យទាំងស្រុង ក្នុងការបាញ់គ្រាប់រ៉ុក្កែតបញ្ជូន ផ្កាយរណបទៅកាន់ដងតារាវិថី

ស៊ីចាង៖ ទីភ្នាក់ងារព័ត៌មានចិនស៊ិនហួ ផ្សព្វផ្សាយនៅថ្ងៃទី១៦ ខែធ្នូ ឆ្នាំ២០២២ថា ប្រទេសចិន នៅថ្ងៃសុក្រនេះបានបាញ់បង្ហោះ គ្រាប់រ៉ុក្កែត Long March-11 ដោយបញ្ជូនផ្កាយរណបទៅក្នុងលំហ ។

គ្រាប់រ៉ុក្កែតបានផ្ទុះនៅម៉ោង ២និង១៧នាទីរសៀល ម៉ោងនៅទីក្រុងប៉េកាំង ពីមជ្ឈមណ្ឌលបាញ់បង្ហោះផ្កាយរណប Xichang នៅភាគនិរតីនៃប្រទេសចិន ហើយបានបញ្ជូនផ្កាយរណប Shiyan-21 ទៅកាន់គន្លងដែលបានកំណត់ទុកជាមុន ។

គួរបញ្ជាក់ថា Shiyan មានន័យថា “ពិសោធន៍” ជាភាសាចិន ។ ផ្កាយរណប Shiyan ដែលទើបនឹងបាញ់បង្ហោះ នឹងត្រូវប្រើសម្រាប់ការផ្ទៀងផ្ទាត់ ក្នុងគន្លងនៃបច្ចេកវិទ្យាអវកាសថ្មី ។

មជ្ឈមណ្ឌលបាញ់បង្ហោះបានឲ្យដឹងថា វាគឺជាបេសកកម្មបង្ហោះលើកទី៤៥៦ ហើយដែលប្រើគ្រាប់រ៉ុក្កែតស៊េរី Long March ៕

ប្រែសម្រួលដោយ៖ ម៉ៅ បុប្ផាមករា